巷仔冰室 (已結業)

今日放假去荃灣搵朋友食飯，朋友講左好耐既一間冰室，今日就帶我去試下，冰室原來係香車街街市附近，叫巷仔冰室，但唔係巷仔🤣一去到見到門口都企左一堆人，可能咁岩又係午餐時段，都要等一陣，眼見門口裝修都好有型，等左一陣就有位，坐位都幾寬敞，都多卡位，店內裝修簡單兼有情調！坐底睇餐牌，眼都突埋，朋友話你冇睇錯，我暗喜，我同朋友點左雜扒配薯菜，豬柳蛋包飯，羅宋湯，即磨咖啡唔知係咪中午關係，上菜都幾快，賣相相當吸引，熱辣辣上枱，雜扒餐都幾有誠意，有雞扒，豬仔扒，火煺配薯菜，都係$58 我朋友果個蛋包飯，賣相仲靚，仲好鬼好食！！最後驚喜埋單既時間，仲冇加一大件又抵食兼好食既午餐