影片
更多
2018-04-10
43 瀏覽
西環其實都幾多好野食，而且餐廳價格會比中上環平少少，今次呢間Shop9我都係誤打誤撞之下入左去，但估唔到食物又幾有驚喜。 呢到裝修色調比較深色，成個感覺都幾有型，同埋佢係有戶外既AREA，如果想搵地方飲杯野都唔錯。 鐵板香草牛油炒野菌 $88未食正餐之前食個小食先，因為唔想食甘多肉，就揀左呢炒野菌。帶住0期望既心情下食，估唔到好有驚喜，未上枱就已經閒到超香既牛油味，係香到左右既枱都會望過黎睇下係咩既程度。而且D菇一D草清味都無，仲帶少少白酒甜味，真係食到停唔到口。 Set Dinner – 和牛芝士漢堡配薯條 $108呢到有set dinner可以揀，而且價錢唔太貴。跟餐可以揀沙律或者湯，我就揀左沙律。平時出面D沙律多數都係生菜加D芝麻醬，但呢到又有紅菜頭，又藜麥，都真係幾有heart!!漢堡唔會煎到鞋哂，肉賣幾嫩，係唔係和牛我就真係食唔出，不過又真係幾有牛味。另外值得一讚既係薯條好乾身好脆，唔係未瀝乾D油就放上碟，唔錯唔錯!! 泰式鹽燒黃腳立 $128本身無諗住叫魚，但店員不斷推介，甘就一於試下啦!!條魚外表就無咩特別，都係正正常常一條燒魚，但食左一啖之後，我同朋友都即刻對望，因為真
而且餐廳價格會比中上環平少少，
今次呢間Shop9我都係誤打誤撞之下入左去，
但估唔到食物又幾有驚喜。
呢到裝修色調比較深色，成個感覺都幾有型，同埋佢係有戶外既AREA，如果想搵地方飲杯野都唔錯。
鐵板香草牛油炒野菌 $88未食正餐之前食個小食先，
因為唔想食甘多肉，就揀左呢炒野菌。
帶住0期望既心情下食，估唔到好有驚喜，
未上枱就已經閒到超香既牛油味，
係香到左右既枱都會望過黎睇下係咩既程度。
而且D菇一D草清味都無，仲帶少少白酒甜味，
真係食到停唔到口。
Set Dinner – 和牛芝士漢堡配薯條 $108呢到有set dinner可以揀，而且價錢唔太貴。
跟餐可以揀沙律或者湯，我就揀左沙律。
平時出面D沙律多數都係生菜加D芝麻醬，
但呢到又有紅菜頭，又藜麥，都真係幾有heart!!
漢堡唔會煎到鞋哂，肉賣幾嫩，係唔係和牛我就真係食唔出，不過又真係幾有牛味。
另外值得一讚既係薯條好乾身好脆，
唔係未瀝乾D油就放上碟，唔錯唔錯!!
泰式鹽燒黃腳立 $128本身無諗住叫魚，但店員不斷推介，
甘就一於試下啦!!
條魚外表就無咩特別，都係正正常常一條燒魚，
但食左一啖之後，我同朋友都即刻對望，
因為真係好好味呀!!魚肉勁嫩滑，
仲食到淡淡清新既香料味，
點埋果個辣辣酸酸既醬汁，
我覺得呢條魚比好多泰國餐廳煮得更好，
仲要價錢唔貴，真係超值得推介呀!!
Samuel Smith Organic Cider $78呢到有好多手工啤酒飲，我最後揀左支cider。
呢支cider味道好清新，又唔會太甜好似飲糖水甘，
幾岩女仔飲。
成晚既野食都好滿意，
可以話係又抵又好食，
加上兩個店員超有禮貌，
呢間小店絕對會再次幫襯~~
張貼
