Isaac Toast (新城市廣場三期) (已結業)

Isaac Toast係韓國好出名嘅「景點」之一 (笑)， 出名到有國民早餐之稱， 係宅兔去韓國嘅必食之選~ 雖然依家因為疫情封關無得出國， 但好在Isaac已經登陸香港， 直接去沙田就有得食！係韓國想買Isaac做早餐多數都大排長龍， 來到香港同樣唔例外， 沙田Issac店面唔大， 如果用餐時間想堂食就要比少少耐性。Issac店員手腳非常快， 雖然唔及韓國阿朱媽嘅流水式獨立作業咁熟練， 但都可見廚房內有唔少員工分工合作好快出到餐， 吐司包裝得乾淨企理~ 就算外賣返屋企食都唔會散開曬。男友揀左香港限定口味超級吐司2.0， 成分吐司好「厚重」呀~ 超厚漢堡其實係植物肉(Impossible Meat)， 不但入口Juicy， 連外觀口感味道都同牛肉相近， 簡直幾可亂真！ 除左超厚漢堡外仲加入左薯餅， 配搭燒烤醬加甜辣醬雙重滋味， 味道層次好豐富！由頂部睇我嘅MVP超級蝦吐司感覺更加大份~XD 個口細d就要拆開食啦！ 因為即點即做， 所以到手嘅吉列蝦堡仍然保持脆身， 配搭新鮮菜絲同青瓜片既清新又多一重口感， 最愛微甜嘅蜜糖芥末醬非常開胃呀！