影片
更多
2015-05-12
734 瀏覽
平日同一班好姊妹出街食飯，通常都係食西餐、日本菜.....食得多都想換下口味。所以就上網搵下有D乜野好食，我地見'潮樂園'的評語都唔錯, 而我地就在附近返工，今晚我地就決定去打冷！因為在港島返工，坐叮叮過去又方便又近，亦都好易搵。黎到真係好彩岩岩有位，黎遲少少都要等位呀，坐滿晒人。而店舖空間也不大，座位也不算多。坐定定之後，我地就開始叫野食喇。食物的選擇有很多，除經典的打冷食物外，還有.....巴基斯坦咖喱(?) 哈哈, 不過今次我地都係想食返D經典潮州菜。打冷又點可以無蠔餅? 呢個蠔餅好大份!!! 都只係$49!! 有2大片 真係好抵食，而且即刻炸出黎熱辣辣，點埋魚露一齊食，會覺得好鮮味。而蠔仔份量都好足，比起出面大排檔的蠔仔大粒DD。不過如果人少，就考慮食唔食得晒, 因為如果1,2個人黎食，淨係食呢個已經飽左@_@再黎唔少得既緊係.....凍蟹啦!! 說真的吃海鮮，食材新鮮是最重要。呢隻蟹夠鮮味，雖然對我班女仔黎講剥蟹有D困難....不過我地都食晒GA~下一味就係滷水......3拼 !! 有鵝片、大腸同埋墨魚。我個人就非常推介呢個鵝片，呢個鵝片係我食過較好食的....肉質好稔，而
因為在港島返工，坐叮叮過去又方便又近，亦都好易搵。
黎到真係好彩岩岩有位，黎遲少少都要等位呀，坐滿晒人。而店舖空間也不大，座位也不算多。坐定定之後，我地就開始叫野食喇。
食物的選擇有很多，除經典的打冷食物外，還有.....巴基斯坦咖喱(?) 哈哈, 不過今次我地都係想食返D經典潮州菜。
打冷又點可以無蠔餅? 呢個蠔餅好大份!!! 都只係$49!! 有2大片 真係好抵食，而且即刻炸出黎熱辣辣，點埋魚露一齊食，會覺得好鮮味。而蠔仔份量都好足，比起出面大排檔的蠔仔大粒DD。不過如果人少，就考慮食唔食得晒, 因為如果1,2個人黎食，淨係食呢個已經飽左@_@
再黎唔少得既緊係.....凍蟹啦!! 說真的吃海鮮，食材新鮮是最重要。呢隻蟹夠鮮味，雖然對我班女仔黎講剥蟹有D困難....不過我地都食晒GA~
下一味就係滷水......3拼 !! 有鵝片、大腸同埋墨魚。我個人就非常推介呢個鵝片，呢個鵝片係我食過較好食的....肉質好稔，而且有肉味，加上層皮，雖然對女仔黎講有D肥，不過夾起上黎真係好味~!!!!!! 推介~ 而大腸同墨魚就相對無咁特別。
食完D經典潮式小菜，之後我地就開始進攻佢地既招牌菜喇~ 呢個係佢地既招牌手打魚蛋魚片，吃上口感和平常吃的魚蛋有點不同，質感較稔(吃上去不像是超彈牙)，因為吃上去好像有吃魚肉的感覺，好有魚的鮮味，我覺得很好吃呢。
經老闆介紹，點了招牌醉香鴨舌，雖然我們幾個生算不上很吃鴨舌，但大家吃了後都覺得蠻不錯，特別是那個酒浸的汁。呢個汁真係好好味，淡淡酒香充滿了鴨舌之中，而且肉質爽口，如果會吃鴨舌的人很推介。今餐真係好滿足，雖然餐廳算不上係慢慢坐和姊妹談心的地方，不過我地吃過這鮮味一餐，之後我地一班姊妹又去左下場食糖水慢慢傾，好滿足！
張貼
