正宗水上人氣鍋專門店 (已結業)

事隔數月, 再一嚐蒸氣鍋既鮮味今次黎到呢間氣鍋專門店, 入內座位坐得舒服, 而且樓上仲有一層, 完全唔會覺得迫!Menu有3個set可以揀, 適合唔想諗野既人! 比較完之後都係決定散嗌, 可以試多幾款野食!叫完野食就可以出去自選醬汁配料, 仲有XO醬揀!*一拎起餐牌, 女侍應即刻提醒like, share & check in 佢地個FB PAGE就有其中一款野食送!我地揀左黃金汁聖子皇, 新鮮爽口, 加上自制醬汁, 正!!!個人比較鍾意貝類海鮮, 所以嗌左花甲同鑽石蜆, 同樣鮮甜多汁!主角波士頓龍蝦, 勁多膏, 而且肉質蒸到岩岩好, 非常爽口! *必食推介*雪花和牛粒, 份量都唔少, 而且好有牛味, 蒸完唔會過韌，值得一試!半份蟲草花蒸鮮雞, 份量都夠4個人食, 鮮雞配上蟲草花, 非常惹味, 肉質亦好嫩滑!淨係食海鮮唔夠飽?臘香鮑魚糯米飯絕對係飽肚之選!鮑魚粒配上膶腸同臘腸, 再加上自調既XO醬豉油,糯米飯入味又惹味!少見既冰菜本身比較爽口, 再配上欖菜肉崧, 確實生色不少!黎食蒸氣鍋例牌必嗌既粥, 吸收晒海鮮既精華, 充滿鮮味!埋單後, 服侍周到既女侍應再捧上一碟西瓜作結。