壹火鍋

營業中

休息中

今日陪朋友喺旺角兆萬睇完玩具，又唔想周圍行，所以決定喺兆萬食埋晚餐先返屋企，兆萬中心大大話話都有好多食肆，而且有啲都食過。今次就試試壹火鍋，因為未到晚飯時間所以唔使等位直接入得，免費湯底都有幾多選擇，另外我哋仲加咗錢加配海鮮船同任食牛肉同刺身。餐單都有幾多選擇，有部分食物仲可以喺出邊攞，出邊嘅食物仲會有膠蓋蓋住相當衛生。海鮮船相當高質有貴妃蚌、珊瑚蚌、生蠔、鮑魚、大蜆、大蝦、帶子同魚片，另外部分海鮮重有得任食，例如九肚魚、八爪魚等等。刺身同牛肉質量唔錯，而且落單冇耐就好快送到。