影片
更多
2018-11-29
40 瀏覽
天氣轉涼，最岩就係打邊爐！但係我fd又怕熱氣，兩個人又唔叫得d咩，所以我就提議去食麻辣串串同火鍋粉。上次經過見呢間野門面好新又好sharp個名又得意, 已經諗定下次就試佢，今日凍凍地就岩哂。入到去真係好新淨同埋最緊要又好乾淨，再加埋佢有d貼心位，佢有個籃俾你放雜物，唔洗驚多人果時個袋唔知放邊，再加埋有個即用即棄口水肩，岩哂我呢d成日俾人話漏口既人，哈哈，同埋你知啦，應該個個人都有經驗知道d麻辣沖彈到係衫係好難洗得甩。再加埋一坐低，店員即刻介紹有咩好食同點叫就最岩。真係要俾十個like佢！其實香港唔係好多餐廳可以食呢d成都麻辣串，所以我地今次就揀左30串$128加一個火鍋粉$38 share! 先食佢d串，佢個名真係改得好，佢d串串真係唔好睇少，真係辣到爆汗，成餐食到雪雪聲。最推介魔芋，豆乾同牛肉。前兩個吸收哂d味無得講，牛肉唔會um, 聽店員介紹係牛扒切出黎。但係因為我本身唔係好食得辣，食到半路忍唔住問店員邊樣最解辣，佢推介左個冰粉，呢個我係大陸就聽得多，食就真係第一次。叫完佢勁快已經上到，唔知係咪知我唔等得haha。食完一舊又真係即時見效，解左勁多，仲要個味好味！佢係有d酒糟山渣餅同
其實香港唔係好多餐廳可以食呢d成都麻辣串，所以我地今次就揀左30串$128加一個火鍋粉$38 share!
先食佢d串，佢個名真係改得好，佢d串串真係唔好睇少，真係辣到爆汗，成餐食到雪雪聲。
最推介魔芋，豆乾同牛肉。前兩個吸收哂d味無得講，牛肉唔會um, 聽店員介紹係牛扒切出黎。但係因為我本身唔係好食得辣，食到半路忍唔住問店員邊樣最解辣，佢推介左個冰粉，呢個我係大陸就聽得多，食就真係第一次。叫完佢勁快已經上到，唔知係咪知我唔等得haha。食完一舊又真係即時見效，解左勁多，仲要個味好味！佢係有d酒糟山渣餅同提子乾係入面，就算唔係因為要解辣，我覺得呢個粉都係必嗌！
解完辣又可以繼續食，再食左個酸菜豬肚粉轉紅薯粉，見個價錢唔貴諗住份量唔會多，黎到驚喜份量絕對唔少，兩個女仔食d串串再share呢個粉係足夠既。呢個都唔錯，叫左豬骨底，再配埋d串串既辣係岩岩好。
見隔離枱叫左鹵豬手用個砵仔上好吸睛，下次黎食一定要試呢個。
張貼
