影片
更多
2015-12-23
441 瀏覽
身為愛肉之人，韓燒，日式鐵板燒當然就食得多，今次第一次黎食岩石燒，可以話係驚喜十足！坐落係銅鑼灣嘅鬧市，呢間火山燒入面嘅座位，全都是同一個陣式，就係枱上一個岩石爐，供大家燒野食之用, 而且岩石燒比起用炭燒、鐵板燒無咁油膩, 啱晒夠求嘅健康飲食嘅朋友。既然呢度係任食，我地當然不客氣，點左啲自己最愛嘅食物。海鮮、豬牛羊都有叫左, 我地就坐定定, 等食好野 係我地等緊食野黎嘅時候, 見到枱上都有各種嘅調味料, 包括玫瑰蜜，燒汁、辣汁, 仲有海鹽、胡椒粉, 等大家燒野食嘅時候更添滋味!首先黎嘅食物, 唔係串燒, 而係追加$88一位嘅海鮮盛! 虎蝦好大隻, 鮑魚飽滿彈牙，蜆和螺都好新鮮好大隻, 難得嘅係居然仲有和牛串, 啱晒我!!為左令我地燒野食時候更有效率, 廚師可以幫我地係廚房先燒呢個海鮮盛, 等我地可以集中火力, 燒接住落黎嘅各款肉食!好喇, 食完海鮮, 開始燒肉食喇! 香草羊背肋, 牛肩肉, 豬頸肉上場, 全部都放係爐架上, 係岩石上慢燒。羊背肋一點羊羶味都無, 係香草嘅點綴下, 燒嘅時候香味更盛! 牛肩肉同其他牛類一樣, 唔駛燒太耐, 進食前點少少燒汁及蜜糖, 都已經夠出色!食完大大
坐落係銅鑼灣嘅鬧市，呢間火山燒入面嘅座位，全都是同一個陣式，就係枱上一個岩石爐，供大家燒野食之用, 而且岩石燒比起用炭燒、鐵板燒無咁油膩, 啱晒夠求嘅健康飲食嘅朋友。既然呢度係任食，我地當然不客氣，點左啲自己最愛嘅食物。海鮮、豬牛羊都有叫左, 我地就坐定定, 等食好野
係我地等緊食野黎嘅時候, 見到枱上都有各種嘅調味料, 包括玫瑰蜜，燒汁、辣汁, 仲有海鹽、胡椒粉, 等大家燒野食嘅時候更添滋味!
首先黎嘅食物, 唔係串燒, 而係追加$88一位嘅海鮮盛! 虎蝦好大隻, 鮑魚飽滿彈牙，蜆和螺都好新鮮好大隻, 難得嘅係居然仲有和牛串, 啱晒我!!為左令我地燒野食時候更有效率, 廚師可以幫我地係廚房先燒呢個海鮮盛, 等我地可以集中火力, 燒接住落黎嘅各款肉食!
好喇, 食完海鮮, 開始燒肉食喇! 香草羊背肋, 牛肩肉, 豬頸肉上場, 全部都放係爐架上, 係岩石上慢燒。羊背肋一點羊羶味都無, 係香草嘅點綴下, 燒嘅時候香味更盛! 牛肩肉同其他牛類一樣, 唔駛燒太耐, 進食前點少少燒汁及蜜糖, 都已經夠出色!
食完大大件嘅肉類, 轉一轉新意思, 食下各款串燒先! 香蔥雞串係我最愛之一, 嫩滑嘅雞肉當然令我著迷, 畫龍點精嘅地方係令人醒神嘅香蔥, 經火燒後, 香蔥味道溶入雞肉內, 令人欲罷不能!墨魚鬚亦都值得推介, 選料絕對係新鮮, 經岩石燒之後, 一啖一啖口彈牙嘅墨魚鬚不失鮮味, 係絕對要挑選嘅小食!
雖然我地什麼專業嘅廚師, 但係燒串燒嘅時候, 我地一啲都唔失禮! 火侯比鐵板燒更易控制, 唔怕燒到燶晒, 所以我地加啲燒汁, 絕對有甚佳嘅賣相! 無輪係雞軟骨、香腸定係其他肉食, 食物黎得精緻之餘, 質素絕對有保證! 張貼
