Pound & Roll (已結業)

星期五晚去邊都咁多人，是是但但搵左間比較快機會食到嘅餐廳，呢間主要都係食西餐，但店內裝潢好光猛，燈光非常足夠。得知Pound & Roll係一間注重健康嘅餐廳所以用上嘅食材品質都唔錯。但食物方便只能用正正常常、不過不失黎形容，而價位則偏貴，可能係因為食材本身高品質。🔷XO醬．天然雞肉．油炸鬼．大蘑菇寬條麵 💰118 💙55/100見呢款幾特別，因為用左油炸鬼，以為佢係大大嚿，點知原來係切到薄薄而且只有好小好小，咬落係脆而硬。雞肉天唔天然唔清楚，但就食到嘅肉都偏小。主要以XO醬帶出味道，感覺似XO醬撈個麵咁，麵質係ok的。🔷Roll Rib Eye 💰298 💙50/100呢塊扒相對失望，接近300元叫左7成熟，但煎到9成咁，非常熟，真係熟過我阿婆。所以導致個牛扒咬落好乾好乾，差小小變左牛肉乾，感覺浪費左塊Rib Eye。🔷香煎鱸魚伴白酒忌廉汁 💰168 💙65/1003款菜式黎講呢一道應該係最OK，鱸魚好滑而且好完整。忌廉汁配埋伴碟嘅薯蓉食好夾。