青森料理 (已搬遷) 新店位置

青森料理平時聽細佬講得多，但食真係冇食過，我見lunch set咁平，又唔使加一，都可以試下。Lunch set有蟹子沙律同三文魚刺身，樣樣都咁新鮮，刺身都有3片，而且唔太薄。野飲凍菊花蜜都唔使加錢，相當抵。菊花蜜非常清甜，原來仲有杞子，唔怪得咁好飲，冰溶都冇影響味道。滑蛋豬扒飯既豬扒真係好大塊，成個碗都係比豬扒包圍住。其實整體係幾好味，我嫌唔夠多蛋同汁，可能驚豬扒變得太腍所以先咁少汁? 豬扒有經過醃製，所以送飯都ok，粉漿亦唔太厚。