Vision 8

香港現免加一的餐廳相對地少，今次看食評發現荃灣這間免加一收費就來試下，地點在千色廣場附近都算方便。餐廳裝修簡約，以白色為主，牆上再掛上幾幅油畫，巴黎鐵塔就是我喜歡之一，不禁想起何時能去法國旅行呢？客人漸多的時候，就會覺得有點吵耳，可能因為餐廳設計問題吧。而我坐的2人座位，檯與檯之間較擠迫，每當服務生要上菜、收拾餐具等有時候需要客人起身騰出空間，覺得有點騷擾。炸粗薯條配酸忌廉 $22價錢幾經濟，2人分享剛好。原個薯仔切出來的薯條，超長～都算幾脆但不會覺得太熱氣，配上酸忌廉好滋味，服務生也會細心準備茄汁。香蒜辣汁雞翼 $45太濃烈的蒜頭、黑椒味道，有點弄巧反拙，覺得太鹹，而辣味就適中。鮮蝦芝士蕃茄意大利飯 $88份量足夠2-3人，第一口會覺得飯太濕，然後我將意大利飯攪拌數下，待水份蒸發一些，這樣口感就適中，每口能感受到芝士、蕃茄，但不會濃而覺得膩，兩者得到平衡。蜜汁燒德國咸豬手 $148豬手眼看不是脆皮的那款，而配菜就有點怪，薯仔太硬、紅蘿蔔相反太淋身。食下去會覺得豬肉味很重，難以形容的感覺。豬皮好稔，食了可補充骨膠原。份量都頗多，我們兩個女生只完成大半份。