阿來東南亞風味 (已結業)

行過見到呢間阿來東南亞風味，見到食物種類幾豐富，有齊我地都想食嘅食物，同埋見呢度唔駛等位，所以就簡左入黎食晚餐。海南雞雞肉嫩滑，唔好睇個湯清清地，其實都濃味，我就鍾意再加埋啲泰式嘅辣椒粉、魚露一齊食，咁就仲更加惹味咖哩軟殻蟹海鮮火山包個汁嘅味道唔錯，不過就稀左少少，可以杰返D就好，軟殻蟹炸得幾酥脆嘅，個包都係。飲品我地叫左椰青同埋凍檸茶，椰青好多水，一打開蓋多到接近滿瀉，椰肉亦好易就刮到出黎食。食泰國嘢又點少得食埋佢嘅椰汁糕，甜甜地為我今晚畫上圓滿嘅。