馬華餐廳 (已結業)

呢日我地來到佐敦比較靜個邊。我地初時以為呢間野都貴貴地，但原來同一般ｄ茶餐廳差唔多。我地叫左兩個晚餐，一個係鴕鳥扒加雞扒，另一個就係鴨胸寬條麵。咁一個餐，就梗有湯同餐飲啦，點知佢又無啦啦送三隻雞翼，我地諗兩個餐咪成六隻！個阿姐話可以轉餐包，咁都係轉啦。隻雞中翼原來唔係好大隻，同一般ｄ茶餐廳雞翼差唔多，但係我都係鍾意餐包多ｄ。至於個餐就一般啦，個鴕鳥扒同雞扒都幾腍，佢有個叫做免翁汁既汁，唔小心會講左：我要mi..翁汁呀！但係個汁就唔算太mignon啦，好似唔辣既黑椒汁咁。個寬條麵仲好短囉，唔知點解可以「筆」來食既。呢間野開到成一點鐘，想唔話佢係茶餐廳都唔得。