影片
更多
2022-04-30
536 瀏覽
難得去馬鞍山就搵吓有咩好食，見到呢間cafe網上有好多好評，就去咗試吓。一入到去已經見到啲位好窄好迫，而且裝修好似中學先至會貪平去嘅餐廳嗰種格局，椰x閣嘅再cheap cheap版。見到入面有好多種虹吸咖啡，問侍應推介邊款，講完一輪揀咗一種莫札特咖啡同一杯iced latte。虹吸咖啡淡如水，iced latte原來落錯咗單，變左americano，之後佢地改返，但由坐低到走都未嚟，追左5 6次都無人沖，食哂所有野埋單先嚟。問佢拎個外賣杯，點知個外賣杯吸都吸唔實，喊出嚟。食物方面，叫咗一個意粉同埋牛排，侍應問要幾成熟，我地答medium rare。牛扒第一次嚟到，只有0.5cm嘅厚度，而且極度韌，根本over cooked，接近well done嘅程度。同侍應講叫佢哋換，佢哋就話吓你哋order左5成啵，我地話medium rare，況且呢塊都唔係5成。然後佢哋就接二連三咁叫咗三四個侍應過嚟睇塊牛扒嘅情況，最後幫我哋換咗第二塊。牛扒第二次嚟到，一切，幾乎全生，blue rare咁。真係食唔到落去。我哋就問可唔可以幫我哋整熟少少，然後waitress又話medium rare就係咁，仲叫
一入到去已經見到啲位好窄好迫，而且裝修好似中學先至會貪平去嘅餐廳嗰種格局，椰x閣嘅再cheap cheap版。
見到入面有好多種虹吸咖啡，問侍應推介邊款，講完一輪揀咗一種莫札特咖啡同一杯iced latte。
虹吸咖啡淡如水，iced latte原來落錯咗單，變左americano，之後佢地改返，但由坐低到走都未嚟，追左5 6次都無人沖，食哂所有野埋單先嚟。問佢拎個外賣杯，點知個外賣杯吸都吸唔實，喊出嚟。
食物方面，叫咗一個意粉同埋牛排，侍應問要幾成熟，我地答medium rare。
牛扒第一次嚟到，只有0.5cm嘅厚度，而且極度韌，根本over cooked，接近well done嘅程度。
同侍應講叫佢哋換，佢哋就話吓你哋order左5成啵，我地話medium rare，況且呢塊都唔係5成。然後佢哋就接二連三咁叫咗三四個侍應過嚟睇塊牛扒嘅情況，最後幫我哋換咗第二塊。
牛扒第二次嚟到，一切，幾乎全生，blue rare咁。真係食唔到落去。我哋就問可唔可以幫我哋整熟少少，然後waitress又話medium rare就係咁，仲叫埋廚師出嚟。其實成件事真係好小事，唔明點解要勞師動眾咁多人，跟住第三次嚟到，已經放棄。幅圖就係第三次牛排嘅情況，臨走影一影相比大家睇先。但真係食到一肚氣，食物難食唔再講，不停落錯單比錯野，成間舖嘅裝修肉酸到，譚仔裝修都靚過佢。
收cafe價錢，地攤嘅質素，服務就差到唔知點形容。大佬呀，塊牛排難食都唔在話，我都無諗過要乜野質素，但至少生熟程度正常少少呀。。。仲要不停同人輪流過嚟challenge 我地，唉，真係食花x餐廳或者快餐店都開心啲好食啲。
呢間嘢真係唔會再去，希望大家唔好再中伏。好肯定佢哋搵人寫咗好多膳稿。
24 瀏覽
0 讚好
0 留言
17 瀏覽
1 讚好
0 留言
16 瀏覽
0 讚好
0 留言
張貼
