火車頭越南餐室 (浣紗街)

營業中

休息中

今日經過大坑見到火車頭，都記得好似係有啲名氣，一入內油煙味極重，但係既然開咗門就坐低試一試啦。食物上菜非常慢，連飲品也慢，向職員追過進度，但係冇人理會。結果仲有一碗美食一杯未飲都起身埋單走人。味道只屬於非常普通質素，唔可以話係好難食，但係唔會想再食。再令我匪夷所思嘅地方係，聽到隔離枱想話碗麵嘅湯太少，想添少少湯，個男經理就話，冇得加湯。今時今日飲食業難做？依然有餐廳排晒隊。呢間真係要好好檢討下點解負評越嚟越多！