影片
更多
2022-11-29
35 瀏覽
餐廳裝修得十分日式，好似係日本食緊居酒屋咁。平日夜晚黎到唔算話好多人，我地坐底之後就叫左個小樽漁港二人set ($1088)，個set比想像中多野食。而家餐廳做緊個小遊戲，每枱客人有一次機會係個算竹籃到捉赤蝦，捉到幾多就食幾多。朋友話自己手掌夠大，有信心可以捉多d，於是就將個捉蝦重大責任交俾佢，最後我地十隻入邊捉到八隻，都算捉到幾多，不過店員話有客人試過可以一次過捉哂十隻。無諗過免費食既赤蝦刺身都咁高質，肉質肥美鮮爽，即刻覺得賺左。餐前小食拼盤拼盤一共有三款，分別有和牛、煙燻雞肉卷同醬漬蒜頭。第一次食生雞肉，口感有d似魚生，唔係店員介紹都唔知係雞肉卷。季節沙律刺身五點刺身分別有油甘魚、三文魚、拖羅、池魚同帆立貝。全部刺身都十分厚切，整體味道鮮甜。燒北海道帆立貝/燒南非鮑魚兩款磯燒海鮮都非常美味，帆立貝爽口彈牙，燒得十分juicy; 鮑魚則肉質軟腍，鮮嫩入味，個鮑魚係未燒之前仲識得郁。燒函館北寄貝北寄貝清甜可口，加上濃味既湯汁，滋味十足。日本生蠔刺身餐廳好好有得俾我地揀食燒生蠔，但鐘意食生蠔既我地最後都係揀番食生蠔刺身。生蠔超級大隻，入口鮮甜肥美，海水味唔會話好重，非常高質。蟹殼蟹膏甲羅
而家餐廳做緊個小遊戲，每枱客人有一次機會係個算竹籃到捉赤蝦，捉到幾多就食幾多。朋友話自己手掌夠大，有信心可以捉多d，於是就將個捉蝦重大責任交俾佢，最後我地十隻入邊捉到八隻，都算捉到幾多，不過店員話有客人試過可以一次過捉哂十隻。無諗過免費食既赤蝦刺身都咁高質，肉質肥美鮮爽，即刻覺得賺左。
餐前小食拼盤
拼盤一共有三款，分別有和牛、煙燻雞肉卷同醬漬蒜頭。第一次食生雞肉，口感有d似魚生，唔係店員介紹都唔知係雞肉卷。
季節沙律
刺身五點
刺身分別有油甘魚、三文魚、拖羅、池魚同帆立貝。全部刺身都十分厚切，整體味道鮮甜。
燒北海道帆立貝/燒南非鮑魚
兩款磯燒海鮮都非常美味，帆立貝爽口彈牙，燒得十分juicy; 鮑魚則肉質軟腍，鮮嫩入味，個鮑魚係未燒之前仲識得郁。
燒函館北寄貝
北寄貝清甜可口，加上濃味既湯汁，滋味十足。
日本生蠔刺身
餐廳好好有得俾我地揀食燒生蠔，但鐘意食生蠔既我地最後都係揀番食生蠔刺身。生蠔超級大隻，入口鮮甜肥美，海水味唔會話好重，非常高質。
蟹殼蟹膏甲羅燒
蟹膏味道非常之濃郁順滑，配上香脆既面包，食落十分之惹味。
火炙香蔥三色迷你海鮮丼/蒲燒鰻魚丼
食到最後已經飽飽地，好彩兩個丼飯都十分迷你，唔洗驚食唔哂。火炙魚生油脂豐富，略嫌鰻魚多左d骨。
甜品
張貼
