Urban Coffee Roaster (碧仙桃路)

營業中

休息中

記得以前減肥嘅時候，晏晝好鍾意嚟呢度食佢嘅藜麥雞胸肉沙律。今日重回舊地，餐牌上已經冇咗呢一個選擇，但係亦都俾咗個機會我試吓其他菜式👍🏻烤澳洲西蘭花大啡菇水波蛋酸種多士有時夜晚唔想食得太過Heavy，呢一個絕對係好選擇。大啡菇厚身有肉汁，切落去蛋液徐徐流出，濕潤嘅口感，並無影響麵包嘅質感，特別喜歡麵包嗰種鬆軟感！👍🏻手打安格斯牛肉漢堡配薯條老公係一個漢堡迷，呢度嘅漢堡包超巨份量，中間嗰塊牛肉漢堡juicy萬分，加上爽脆嘅蕃茄同蔬菜，口感出色。附上嘅薯條亦都係熱辣辣新鮮炸的，食落唔算太油膩，可以點上黑松露嘅醬汁份外美味。👍🏻新鮮青囗配蒜香白酒牛油汁青口醬汁好香，連埋洋蔥絲食落滋味，青口肉唔算好大粒，但配上嘅酸種麵包多士亦都係畫龍點睛之一。👍🏻Mocha嚟得呢度當然要飲番杯咖啡， 最正嘅係轉燕麥奶都唔使額外加錢，朱古力同咖啡嘅比例剛好，入口啡味突出，朱古力味濃郁。👌🏻雲尼拿士多啤梨批相對地比較迷你嘅甜品，酸酸甜甜嘅配搭，並不甜膩，特別喜歡旁邊嘅士多啤梨蓉，可以塗上雲呢拿表層夾埋一齊進食。