阿波羅

營業中

休息中

阿波羅雪糕，我細細個就聽過佢個名啦！記得細個嗰陣，喺啲屋邨入面都會有一間阿波羅雪糕店，我就成日會扭阿媽入去買雪糕比我食。到而家大左，發現阿波羅雪糕店好似都所剩無幾，有一日要搭船，由尖沙咀過去中環，臨入閘之前竟然比我見到有得買阿波羅雪糕，梗係立即幫襯啦！一路吹住海風一路食雪糕，都幾chill我叫咗士多啤梨味，酸酸尾尾咁配上乳酪，都幾開胃。如果怕太酸，除咗生果口味，仲有啲朱古力、oreo 之類比較甜嘅口味㗎。其實價錢一啲都唔平，不過可能係兒時回憶嘅味道，所以都覺得唔差，下次再有機會搭船，應該都會再食