奇華餅家 (已結業)

幫襯奇華除咗一年一度中秋必食嘅雙黃蓮蓉月餅之外，其餘嘅日子一定係嚟買呢個包！食咗咁多年佢始終係咁好味道，完全無變過！細細個阿媽買比我食，因為佢嘅顏色夠靚令我愛上咗佢，但係佢嘅味道同質感先至係我仍然鍾情於佢嘅主要原因！打開獨立包裝袋，就會聞到一股佢獨有嘅香甜味道；搣開佢，見到入面冇乜窿窿，好細密；咬一啖，味道清而甜蜜，就係呢種味道令我覺得佢始終係最好食嘅冇餡包！ 正因為咁，每次行過奇華，總係忍唔住入去買一隻龜包番去！