金鶴拉麵 (和富道) (已結業)

見到附近有間拉麵店外賣自取有優惠，一於試吓佢！唔知攞返屋企食好唔好食？就要睇落去啦去到餐廳之後好快點單，唔需要等好耐已經有得食，最好嘅係佢會分開湯同埋面，變咗唔會搞到啲面林晒。黑蒜油拉麵，香到不得了，湯底味道香濃，非常吸引，鍾意食濃郁香味嘅朋友不能錯過！醬油拉麵，本身以為會比較鹹，點知係比較清新嘅鹹香，如果想食少少鹹香而且整體清淡少少可以考慮呢個。雞白湯拉麵，平時出街食都係豬骨湯會比較多，雞白湯呢個雞味香濃，落咗好多雞同埋雞骨去肴製，人生絕對需要嘗試不只一次！講完湯底講返個麵條，都幾彈牙，而且有啲豚肉同慢煮雞，慢煮雞肉千祈唔好返熱，如果唔係就唔好食，直接食就算溫度唔熱都好好味。 糖心蛋係之後再加，因為有屋企人好鍾意食蛋，甜甜地，好味過自己整架。