影片
更多
2017-06-03
3050 瀏覽
其實我已經第二次來M3餐廳，呢一間餐廳真係值得一去再去。 因為佢裏面嘅嘢食係多國菜，梗有一款啱心水。 一坐低口痕痕叫咗個炸辣味薯角，咬落去同其他快餐店冇得比！ 其他快餐店太軟身，而且冇咬口，但係呢一度嘅薯角就唔同， 外脆內軟，仲要出邊唔會煎得太焦。 侍應亦都奉上一大支茄汁俾我，啱晒我呢個茄汁怪。 之後叫左我最鍾意食嘅香蒜啤酒蜆肉， 呢一個啤酒煮蜆肉其實我之前已經叫過。 因為實在太好食啦！ 蜆肉係非常新鮮，而且有少少辣椒配合，加上有好重嘅啤酒味！ 食落去係另一種感覺。 最正嘅地方係一塊塊嘅蒜頭加左落啤酒到！ 蒜頭嘅味道入晒去蛽肉同啤酒汁。忍唔住當左佢係湯咁飲！哈哈。 接住落嚟，係焗阿拉斯加長腳蟹意大利飯，我啲朋友真係零舍衰格！ 自己一個人食晒全部嘅長腳蟹條，總共有三四條，我一條都食唔到...... 因為佢哋話好好食。呢一個意大利飯都算正宗， 咬落去有芝士嘅香味，伴住番茄同埋啲飯硬度適中。 再嚟就係帕爾瑪火腿火箭菜薄餅， 我想同大家講火箭菜係我嘅最愛，每次食沙律一定要叫。 呢一度嘅薄餅係薄批，食落去脆卜卜，相信每個人都喜歡， 加上佢嘅火腿同火箭菜份量都好夠完全可以分做幾個
其實我已經第二次來M3餐廳，呢一間餐廳真係值得一去再去。
因為佢裏面嘅嘢食係多國菜，梗有一款啱心水。
一坐低口痕痕叫咗個炸辣味薯角，咬落去同其他快餐店冇得比！
其他快餐店太軟身，而且冇咬口，但係呢一度嘅薯角就唔同，
外脆內軟，仲要出邊唔會煎得太焦。
侍應亦都奉上一大支茄汁俾我，啱晒我呢個茄汁怪。
之後叫左我最鍾意食嘅香蒜啤酒蜆肉，
呢一個啤酒煮蜆肉其實我之前已經叫過。
因為實在太好食啦！
蜆肉係非常新鮮，而且有少少辣椒配合，加上有好重嘅啤酒味！
食落去係另一種感覺。
最正嘅地方係一塊塊嘅蒜頭加左落啤酒到！
蒜頭嘅味道入晒去蛽肉同啤酒汁。忍唔住當左佢係湯咁飲！哈哈。
接住落嚟，係焗阿拉斯加長腳蟹意大利飯，我啲朋友真係零舍衰格！
自己一個人食晒全部嘅長腳蟹條，總共有三四條，我一條都食唔到......
因為佢哋話好好食。呢一個意大利飯都算正宗，
咬落去有芝士嘅香味，伴住番茄同埋啲飯硬度適中。
再嚟就係帕爾瑪火腿火箭菜薄餅，
我想同大家講火箭菜係我嘅最愛，每次食沙律一定要叫。
呢一度嘅薄餅係薄批，食落去脆卜卜，相信每個人都喜歡，
加上佢嘅火腿同火箭菜份量都好夠完全可以分做幾個人嘅份量。
另外就係西班牙燒乳豬配薯蓉及紅椰菜，
呢一個燒乳豬真係難以形容，佢嘅皮係脆，
但係佢嘅豬手就煮得好軟熟。
加上喺下面嘅薯蓉兩者無縫地配合，可以醫飽我個肚。
我仲叫咗個焗安格斯肉眼扒配蘆筍苗·焗蒜頭及長薯仔（9安士），
叫咗七成熟，冇乜血水滲出，
加上幾個朋友你一人我一口，好快就食晒，牛味可以。
而最後最特別嘅係巴伐洛娃蛋白餅，
呢一個蛋白餅我以為平平無奇，
點知原來裏面每一層都有驚喜！
夾心係馬卡龍嘅芒果味，加上一球$38的雲呢拿雪糕，
口感甜甜蜜蜜令人想一吃再。
M3 Italian
地址: 沙田沙角街8-12號花園城1期地下2號舖
張貼
