影片
更多
2023-09-03
38 瀏覽
高質享受-初嘗地中海菜｜📍Lamees🙈其實咁大個女一直都無食過地中海菜，所以心血來潮揾咗間試下❤️🔥餐廳嘅老闆娘好nice會貼心介紹餐點🫶🏻座位寬敞而且食物高質💛仲會播住充滿異國風情嘅音樂，好有氣氛❤️🔥而且睇餐牌嘅介紹原來餐廳主廚係來自約旦，仲曾經喺君悅酒店、半島酒店任職，亦曾經為多個國家的領事館預備私人晚宴😳唔試下主廚嘅廚藝就真係走寶了🥹♡Trio Dips platter （classics）♡｜💰$160呢個係3款蘸醬拼盤系列嘅基本款🫶🏻包括有經典鷹嘴豆泥、烤茄子蓉、黑松露鷹嘴豆泥，3款冰凍蘸醬配埋暖笠笠有嚼勁嘅彼得包好夾🫶🏻豆泥加咗橄欖油食落口感順滑、茄子蓉食落有少少蕃茄口感食落有清新爽口嘅口感，黑松露鷹嘴豆泥2種味道相輔相成，味道比較豐富🥰♡Warak enab♡｜💰$85呢款係店員同我哋推薦嘅中東獨特口味菜，中文名係迷你中東素糯米雞葡萄葉釀飯😆入口感覺酸酸甜甜咁😳食耐啲仲有提子糖嘅甜味，口感亦都偏向軟糯同我哋平時食開嘅糯米雞唔同😉的確係幾有特色🥰♡Hallumi Cheese♡｜💰$95呢款係鐵板煎著名中東鹹香芝士，用鐵板上菜令到蕃茄汁可以保持溫度，芝士食落口感煙韌💛會
🙈其實咁大個女一直都無食過地中海菜，所以心血來潮揾咗間試下❤️🔥餐廳嘅老闆娘好nice會貼心介紹餐點🫶🏻座位寬敞而且食物高質💛仲會播住充滿異國風情嘅音樂，好有氣氛❤️🔥而且睇餐牌嘅介紹原來餐廳主廚係來自約旦，仲曾經喺君悅酒店、半島酒店任職，亦曾經為多個國家的領事館預備私人晚宴😳唔試下主廚嘅廚藝就真係走寶了🥹
♡Trio Dips platter （classics）♡｜💰$160
呢個係3款蘸醬拼盤系列嘅基本款🫶🏻包括有經典鷹嘴豆泥、烤茄子蓉、黑松露鷹嘴豆泥，3款冰凍蘸醬配埋暖笠笠有嚼勁嘅彼得包好夾🫶🏻豆泥加咗橄欖油食落口感順滑、茄子蓉食落有少少蕃茄口感食落有清新爽口嘅口感，黑松露鷹嘴豆泥2種味道相輔相成，味道比較豐富🥰
♡Warak enab♡｜💰$85
呢款係店員同我哋推薦嘅中東獨特口味菜，中文名係迷你中東素糯米雞葡萄葉釀飯😆入口感覺酸酸甜甜咁😳食耐啲仲有提子糖嘅甜味，口感亦都偏向軟糯同我哋平時食開嘅糯米雞唔同😉的確係幾有特色🥰
♡Hallumi Cheese♡｜💰$95
呢款係鐵板煎著名中東鹹香芝士，用鐵板上菜令到蕃茄汁可以保持溫度，芝士食落口感煙韌💛會感受到濃郁奶香而且唔會有羶味，配埋彼得包食都好夾💓
♡Arnab - Rabbit Leg♡｜💰$220
😳呢個真係意外發現，估到香港原來係有餐廳供應兔肉😳餐點係法國野兔脾以橄欖油、小洋蔥和蒜蓉和香料焗製伴薄荷蕃茄汁配上中東小米以成，店員推薦食法係可以將兔肉、飯、醬汁撈勻再食，肉質相當嫩滑，而長身嘅中東小米粒粒分明，口感偏淋身，配埋檸檬汁同蕃茄汁食，整體口感豐富🤩
♡Kanafeh♡｜💰$105
呢個係經典中東甜品，表面有滿滿嘅開心果碎外層係相當鬆脆嘅酥皮，內餡係甜芝士🤩切開嘅時候仲可以見到微微拉絲嘅畫面，而且份量都幾大🫶🏻2個人share食就啱哂啦
張貼
