Gathering (已結業)

朋友推介了很久，話元朗有間食優質美食的西餐廳，今晚就特意入到去元朗安興街（Gathering）試吓，餐廳設計好有格調，坐得好舒服，我係牛魔王，當然即刻就要叫個牛排來食，果然食後有驚喜，想食到優質的美食，要入去元朗都值得，下次都會推介給朋友來光顧。凱撒沙律美國安格斯肉眼扒，叫左5成熟，都不會老，廚師用心地將肉眼扒煎得剛好，肉質好嫩，肉味仲保持住，食落口中，仲有好濃郁的牛香味。低溫油浸鮮吞拿魚，用低溫煮出的吞拿魚，更能保持肉質的鮮味，再加上滋味醬汁在吞拿魚的面上，帶出另外一種層次感 。扒大蝦寬條麵配松子羅勒醬，蝦肉爽口兼彈牙，食落口時仲啖啖肉，闊條麵質非常軟滑，每條都掛滿松子及羅勒醬，兩者都好有豐富的口感。