Kuro Shabu (已結業)

點左一個standard set同Omakase set，所以都試左好多款牛、黑豚同黑雞。重點講牛，首先有A4黑毛和牛上肩胛肉、牛肩肉、足外則肉，另外仲有師傅精選唔同部位既A4和牛，油花分佈靚，一塊一塊雲石紋咁，肉色鮮紅嫩口，牛肉味濃，好食！滾3秒就食得，鮮嫩剛剛好，千奇唔好滾太耐浪費左。跟著就係期待已久的A5和牛上肩胛肉、西冷、肋肉眼，A5和牛呈粉紅色，相對脂肪含量比A4高，但無疑A5比A4更入口即溶，令人回味無窮！跟餐既蔬菜籃都好豐富，有啡菇、金菇、白蘿蔔、皇帝菜、娃娃菜、豆腐、薯粉等，其實食完碗菜都飽飽地，呢餐可以話係大滿足！