良記滷水大王

營業中

休息中

自從第一次食完之後，一直計劃下次返屋企食飯一定要去呢度加餸，終於機會嚟啦！現場有滷水鵝、滷水鵝內臟、豬肉等等，絕對係加餸嘅好幫手。現場聞到好香嘅滷水味，令人食慾大增，今次就買半隻滷水鵝返去慢慢歎。如果買四分之一仲可以揀上庄或下庄，而兩者點分呢？上莊即係鵝翼、鵝胸，一般係偏瘦、有嚼勁；下莊係鵝髀位，呢部份會偏肥，所以大家可以按自己口味而揀相關位置。獅頭鵝 $128/斤，半隻買咗$300幾，無豆腐、花生墊底，所以想食其他嘢就記得叫埋。上庄切片，油份無咁多，啖啖肉下庄就比較油，但勝在肉類較嫩，記得要蘸點滷水汁及蒜泥醋，減膩之餘又增加到味道層次，連屋企人食完都話再enore呀！