101肉燥飯專門店 (厚福街) (已結業)

厚福街成條街都很多好野食，今晚同同事試下台灣食物，要知道台灣東西要做得好味都不容易，餐廳成八點都有人龍排隊，應該無伏？醬汁雞扒拼玉子豆腐肉燥飯因為好多人，我地都等左成10分鐘。醬汁雞扒果然係不同凡響，超級多汁，個汁甜甜地，有少許杰，用黎送飯一流！雞扒都整得不錯，入味！飯睇份量就細碟左啲，我食飽都是剛好夠，玉子豆腐是炸過的，脆脆地易入口，食起來比較硬身，肉燥已經舖了在飯面，一粒一粒肉燥都弄得好入味，而且是肉粒不是肉碎，有咬口的！做得不錯！