13 Thirteen (已搬遷) 新店位置

依家係一間係灣仔嘅良心外賣店，我估純粹佢係喺柯布連道13號，所以佢就叫做13啦。因為喺附近返工，平時都會食呢一間外賣店。平日午飯時間一定排晒長龍，唔算話超級好食，不過價錢經濟實惠，同埋可能大家都想支持良心食店🤗今次因為有啲趕時間，就唔再嗌佢午餐ABCD餐，直接喺個雪櫃度攞咗個冷麵，有椒麻或者麻醬選擇，配料係青瓜絲、火腿絲、蟹柳絲、蛋絲。拉麵份量都非常足夠，口感煙韌，我將所有嘅配料撈埋一齊，再加上麻醬，非常之清新。