羅勒印度餐廳 (龍尾村) (已結業)

朋友住附近，襯住新年嚟見面，就喺openrice訂位(散叫有八折)。原本只有3枱客，我哋一路食，客人就越來越多，走時幾乎滿座。有室內同室外用餐位置。由於我係印度餅粉，所以不叫飯而叫了3款餅，包括:aloo paratha, naan, roti. 另外仲叫了北印度咖哩羊(特別要求少辣)，牛肉kebab,豆蓉， 同sweet lassi。aloo paratha比較多油，nann 同roti都夠乾身，3款我比較中意roti(麥餅)，有麥香。從來都唔知青綠色的醬叫什麼，但每次都沾大量的，總是覺得有它，餅就更好味。牛肉kebab 超乎我們想像，以為係串住的牛肉，原來係似腸仔形狀的，味道還可以。羊肉就用碗盛著，有汁的，點餅一流，羊肉好'林'，沒有'蘇'味。豆蓉又係用碗盛著，個人對豆蓉一般，但它配餅又好夾。sweet lassi好正，乳酪味好濃，就算冇加mango都好飲。