影片
更多
2018-07-05
826 瀏覽
每次屋企人入大澳，必買必食既一定係哩間老字號既茶果！我爸爸話佢一日出兩轉，一轉係朝早，第二轉係十二點幾一點左右，如果遇上多人入大澳，遲左去就冇得買嫁啦！我地今次十二點幾一點到到，見到個箱入面裝滿左茶果我地買左十二個眉豆茶果(試過甜茶果，我地一致認為眉豆餡更好食，從此之後，每次都淨係會買眉豆茶果)拎上手仲暖嫁，應該係啱整好無耐我之前都係屋企人買返黎先食，果陣已經唔暖，暖暖地咁食都係第一次！結論係，攤凍左食，風味更佳喎點解咁講？暖食糯米表皮黏度會較高，冇攤凍食咁煙韌有咬口。茶果既糯米皮厚度適中，唔會太薄而冇口感，亦都唔會太厚而顯得餡料少無味道攤凍食果陣表皮粉糯、煙韌，完全係煙韌控既天堂！餡料方面，有磨細左既眉豆溝埋五香粉，味道唔會過鹹，因為加左五香粉，增加左香氣、令茶果更有風味而且餡料比得好大方，確保每一啖都食到餡同皮，兩者中和，好食哩間茶果我都食左好多年嫁啦，比係市區買到既都好食同足料。但美中不足既係，茶果同膠袋表面防黏附既油越黎越多，就算冇摸到入面都成手油用油防止糯米皮同袋癡埋既做法好理解，但如果用少啲油既話，食落冇咁油膩、感覺冇咁罪惡，會更好。所以，食果陣記得小心啲呀，唔係既話啲餡會
我地今次十二點幾一點到到，見到個箱入面裝滿左茶果
我地買左十二個眉豆茶果(試過甜茶果，我地一致認為眉豆餡更好食，從此之後，每次都淨係會買眉豆茶果)拎上手仲暖嫁，應該係啱整好無耐
我之前都係屋企人買返黎先食，果陣已經唔暖，暖暖地咁食都係第一次！
眉豆茶果
$8
68 瀏覽
0 讚好
0 留言
結論係，攤凍左食，風味更佳喎
點解咁講？暖食糯米表皮黏度會較高，冇攤凍食咁煙韌有咬口。
茶果既糯米皮厚度適中，唔會太薄而冇口感，亦都唔會太厚而顯得餡料少無味道
攤凍食果陣表皮粉糯、煙韌，完全係煙韌控既天堂！
餡料方面，有磨細左既眉豆溝埋五香粉，味道唔會過鹹，因為加左五香粉，增加左香氣、令茶果更有風味
而且餡料比得好大方，確保每一啖都食到餡同皮，兩者中和，好食
哩間茶果我都食左好多年嫁啦，比係市區買到既都好食同足料。但美中不足既係，茶果同膠袋表面防黏附既油越黎越多，就算冇摸到入面都成手油用油防止糯米皮同袋癡埋既做法好理解，但如果用少啲油既話，食落冇咁油膩、感覺冇咁罪惡，會更好。
所以，食果陣記得小心啲呀，唔係既話啲餡會跌到成地都係
花生糯米糍
$8
51 瀏覽
0 讚好
0 留言
糯米糍因為冇用到油黎附黏附，淨係用左沾米粉，所以冇咁油膩、比較清爽。
糯米糍係我第一次食，佢既皮比茶果有驚喜喎！
糯米糍皮比較煙韌，少左黏度，更彈牙
餡料同樣包到滿曬，咬一啖就爆出黎
花生糯米糍用左磨碎左既花生溝埋有咬口既砂糖作為餡料；
花生味未至於超香，但食得出係食緊花生；
砂糖碎增加左口感，食落索索聲，但略嫌砂糖份量過多，味道過甜，厚實煙韌既糯米糍表皮都未能中和砂糖既甜度，如果減甜，會更出色！
好食既傳統茶果、糯米糍真係買少見少，唔想之後冇得再品嚐哩種地道糕點，真係要多多支持先得！
張貼
