影片
更多
2018-08-11
324 瀏覽
見餐廳做緊午餐買一送一優惠，仲要任食沙律、餐湯、雪糕，雖然地點有d唔方便，不過一試無妨，唔駛等餐廳營業時間，喺openrice訂定枱，超方便！訂左星期六中午12:00，我預早左11:45已到餐廳門口，門外一個人都無，雖然未到營業時間，未有得入座，但聽聞呢間餐廳入座比較混亂，所以我都唔敢周圍走，乖乖排隊。12:00正才准許客人入座，無論有沒有訂枱都係排同一條隊，所以有些排在後面、訂左枱的客人鼓躁，訂左枱的人要等職員處理完前面無訂枱或未人齊的排一邊，果條人龍足足等到12:30先分流好😓，成個場先坐滿。入座時，職員表示用餐時間只有1個半小時，13:30要還枱，😲我豈有此理丫！😡😡😡明明訂枱時沒有註明時限，宣傳單張上的條款都無寫，仲唸住等到星期六同老公悠悠閒閒食個午餐，還是算啦，唯有食快d囉。職員講解完買一送一優惠，點完餐便可以去攞沙律、餐湯，沙律有兩款，沙律菜和薯仔沙律，值得一讚個沙律菜真係有隔乾水份，而且比例唔錯，我個人鍾意甘甘地、苦苦地嘅火箭菜👍🏻，唔似一般沙律菜，羅馬生菜佔大半，太甜。但餐湯單調左少少，係青豆蓉湯，而且打得唔夠幼，仲好粉👎🏻。見主食未到，攞個Haagen-Dazs雪糕食
訂左星期六中午12:00，我預早左11:45已到餐廳門口，門外一個人都無，雖然未到營業時間，未有得入座，但聽聞呢間餐廳入座比較混亂，所以我都唔敢周圍走，乖乖排隊。
12:00正才准許客人入座，無論有沒有訂枱都係排同一條隊，所以有些排在後面、訂左枱的客人鼓躁，訂左枱的人要等職員處理完前面無訂枱或未人齊的排一邊，果條人龍足足等到12:30先分流好😓，成個場先坐滿。
入座時，職員表示用餐時間只有1個半小時，13:30要還枱，😲我豈有此理丫！😡😡😡明明訂枱時沒有註明時限，宣傳單張上的條款都無寫，仲唸住等到星期六同老公悠悠閒閒食個午餐，還是算啦，唯有食快d囉。
職員講解完買一送一優惠，點完餐便可以去攞沙律、餐湯，沙律有兩款，沙律菜和薯仔沙律，值得一讚個沙律菜真係有隔乾水份，而且比例唔錯，我個人鍾意甘甘地、苦苦地嘅火箭菜👍🏻，唔似一般沙律菜，羅馬生菜佔大半，太甜。
但餐湯單調左少少，係青豆蓉湯，而且打得唔夠幼，仲好粉👎🏻。
見主食未到，攞個Haagen-Dazs雪糕食住等，味道有三款，有朱古力、士多啤梨同雲呢拿，配料仲有粟米片、杏仁片、綿花糖、朱古力醬同焦糖醬，不過桶裝雪糕雪得超硬，老公花盡九牛二虎之力，都不能成功𢳂到完整一球，睇相就知，係一片片的雪糕😅，難怪排雪糕的人龍長期都有十幾人咁多，小朋友、女士們係比較花時間𢳂。
等左大半個鐘，德國咸豬手終於到了，豬皮雖然沒有廣東菜的鬆針，但皮脆肉厚，口感像火雞球般實，獨特醃料跟超市的味道不一樣👍🏻，而且好大隻。
相比之下澳洲肉眼扒很薄、較細份，配上海鹽、燒得幾香👍🏻，不過個薯餅韌得離譜，仲以為自己食緊上海年糕。
餐飲揀左菠蘿汁同橙汁，菠蘿汁偏酸，好彩有半杯冰稀釋。
其他食客似乎都係經常光顧的熟客，未點餐已拎埋手袋、戰鬥格的跑出去分頭攞嘢食，如果唔駛排隊攞餐湯、排沙律、排雪糕，1個半小時都可以食得好舒服，但排隊、等上主菜、等餐飲已花很多時間，建議情侶們或三五知己想趁週末吹下水、輕輕鬆鬆食個午餐，就要認真考慮！
秘製德國咸豬手配薯條
$188
23 瀏覽
0 讚好
0 留言
澳洲肉眼扒配薯餅
$178
17 瀏覽
0 讚好
0 留言
張貼
