影片
更多
2021-11-21
2248 瀏覽
星期日入左西貢食海鮮，揀左呢間曾幾何時係米芝蓮嘅勝記海鮮酒家。預先訂左枱，不過walk in應該都有位。餐牌主要係多款時價海鮮，前菜小食，小菜，飯麵，甜品都有。簡單叫左個海鮮二人餐，包脆皮滑金磚，白灼海蝦，椒鹽鮮鮑魚2隻，自家製酒糟粉絲蒸帆立貝2隻，金不換炒蟶子皇2隻，芝士波士頓龍蝦1隻配伊麵，上湯浸時蔬，同自家製甜品，價錢$998另加一。脆皮滑金磚脆皮滑金磚即係炸豆腐，一客6件，另配喼汁俾你沾，下底有少少梛菜絲墊底。豆腐炸得皮脆少鹹而入面超滑，好食。白灼海蝦白灼海蝦似係有半斤，質素新鮮，有唔辣豉油同辣椒豉油俾你沾，一定要點辣椒豉油，好食好多。椒鹽鮮鮑魚2隻我第一次食椒鹽鮮鮑魚，皮脆而肉質彈牙，椒鹽味適中唔過鹹。下底墊有梛菜絲同椒粒。自家製酒糟粉絲蒸帆立貝2隻紅色醬汁就係自家製酒糟，上面灑上蔥花，味道唔錯。主角帆立貝鮮甜唔韌。金不換炒蟶子皇2隻我哋另外加左兩隻蟶子，每隻$58。蟶子皇肉質鮮甜彈牙，個金不換汁都好冶味。其他配菜有洋蔥片同燈籠椒。伴碟有少少梛菜絲同車厘茄。芝士波士頓龍蝦1隻配伊麵芝士波士頓龍蝦1隻配伊麵好大兜。龍蝦肉唔少，都係新鮮嘅。伊麵正常。芝士味好濃。上湯浸時蔬上湯浸時
餐牌主要係多款時價海鮮，前菜小食，小菜，飯麵，甜品都有。簡單叫左個海鮮二人餐，包脆皮滑金磚，白灼海蝦，椒鹽鮮鮑魚2隻，自家製酒糟粉絲蒸帆立貝2隻，金不換炒蟶子皇2隻，芝士波士頓龍蝦1隻配伊麵，上湯浸時蔬，同自家製甜品，價錢$998另加一。
脆皮滑金磚
57 瀏覽
1 讚好
0 留言
脆皮滑金磚
脆皮滑金磚即係炸豆腐，一客6件，另配喼汁俾你沾，下底有少少梛菜絲墊底。豆腐炸得皮脆少鹹而入面超滑，好食。
白灼海蝦
75 瀏覽
0 讚好
0 留言
白灼海蝦
白灼海蝦似係有半斤，質素新鮮，有唔辣豉油同辣椒豉油俾你沾，一定要點辣椒豉油，好食好多。
椒鹽鮮鮑魚2隻
27 瀏覽
0 讚好
0 留言
椒鹽鮮鮑魚2隻
我第一次食椒鹽鮮鮑魚，皮脆而肉質彈牙，椒鹽味適中唔過鹹。下底墊有梛菜絲同椒粒。
自家製酒糟粉絲蒸帆立貝2隻
39 瀏覽
0 讚好
0 留言
自家製酒糟粉絲蒸帆立貝2隻
紅色醬汁就係自家製酒糟，上面灑上蔥花，味道唔錯。主角帆立貝鮮甜唔韌。
金不換炒蟶子皇2隻
57 瀏覽
2 讚好
0 留言
金不換炒蟶子皇2隻
我哋另外加左兩隻蟶子，每隻$58。蟶子皇肉質鮮甜彈牙，個金不換汁都好冶味。其他配菜有洋蔥片同燈籠椒。伴碟有少少梛菜絲同車厘茄。
芝士波士頓龍蝦1隻配伊麵
42 瀏覽
0 讚好
0 留言
芝士波士頓龍蝦1隻配伊麵
芝士波士頓龍蝦1隻配伊麵好大兜。龍蝦肉唔少，都係新鮮嘅。伊麵正常。芝士味好濃。
上湯浸時蔬
47 瀏覽
0 讚好
0 留言
上湯浸時蔬
上湯浸時蔬係9小棵白菜仔，加左蒜子，清湯係超清，冇乜味。
自家製甜品 (柚子, 桂花, 益力多)
29 瀏覽
0 讚好
0 留言
自家製甜品
自家製甜品係3款糕點，分別係益力多，桂花，同柚子味。味道好清新，堅好味又唔假，唔錯。
油鹽水煮貴妃蚌 $58一隻
油鹽水煮貴妃蚌
$118
49 瀏覽
0 讚好
0 留言
呢個油鹽水煮貴妃蚌係另加，我哋想食新鮮貝類，服務員建議貴妃蚌，同埋用油鹽水整好食啲。兩隻連殼貴妃蚌，肉好厚身，鮮甜有嚼勁。個湯有粉絲，香茜，蔥，蒜子，鹹冬菜，味道少少鹹。
另外收費有茶位每位$20，油料加工費$118兩位。
總括而言，食材係新鮮，味道正常，不過絕對唔係米芝蓮級數。人均$755，呢個價錢真係超貴。服務正常，我哋坐左喺半露天位，呢個天氣吹住海風好舒服。
張貼
