長洲平記

營業中

休息中

難得星期日，都係去郊外走走嘅好時機！11點半搭個船入去長洲，食個飯仔，遠離塵囂，為忙碌嘅自己打打氣充充電！咁先有氣有力拼搏！💪🏻其實食個飽飽都無空間再食其他，不過入長洲必食嘅兩寶一定要食，大魚蛋同芒果糯米糍！而芒果糯米糍係幾時食都食得落，好似話女士有甜品胃一樣，點飽都食到！其實無特別對邊間糯米糍有偏好！今次就試長洲平記，通常有人排隊嘅都唔會太差！糯米糍size比出面市區賣嘅大件，食落都幾好食，皮薄煙韌，入面舊芒果肉又勁甜！當然生果係時令嘢，今次甜唔代表下次都咁甜！店家都細心，用抹手紙包住，唔會食得勁污糟！