BRICK LANE (已結業)

懷念英國生活的時候，可以黎Bricklane食下。今日天氣晴朗，食返個地道英中先！星期六12點半就黎到，已經座滿7成位啦，但係唔駛排隊都算萬幸！個menu好有要求，紙好有質感，連fonts 都咁濃英味！好集中食all day breakfast，見到可以加black pudding就知地道啦。因為好少見其他cafe有，就連在英國都一樣，只有好傳統的英中先會有，亦唔係人人鍾意食，因為係動物的血、內臟和碎肉組成的，未試過的不妨試試！食量細的可以揀Three-choice ($78) ，芝士、豬肉腸、portobello mushroom係自選，煎蛋配少許沙律菜，材料都幾fresh，鐘意個toast含有蕃茄乾，都幾香。其實英中主要係食豐富的食材和感覺，所需的烹調技巧比較低，呢度嘅感覺唔錯，有落地玻璃，在光線充足下歎個英早真係好爽！食量大的就可以揀Everything ($108) ，就係咩都有D，多左茄汁豆、三文魚、bacon、harsh brown，真係一個好豐富的brunch!Iced latte ($44)都ok，咖啡與奶balance得唔錯。