Labels Cafe + Bar (已結業)

Hello 咁多位，好耐冇見，今日去左全香港最文青嘅地方 - 南豐紗廠到打卡，原來內有玄機，入面有間隱世打卡 cafe，場景仲好浪漫，天花滿佈燈飾，而啲檯嘅排列都盡顯心思，使用左黑白排版法，好好影，另外出面有個大露台可以影，可以吸收一下自由清新嘅空氣，入返正題開始食正餐，首先黎左個餐湯先，係好清新清甜嘅甘荀湯，感覺到果份足料，再黎就係主菜「牛肝菌野菌闊條麵 $78」同「帶子魷魚蝦黃薑意大利飯 $88」，以呢個價錢真係好抵食，係晚餐，仲有湯，而飲路品就叫左「紫薯鮮奶 $38」，紫薯味不俗！最後重點時間即係甜品，食左有好幾件，招牌有「黑鏡 $48」同「白鏡 $48」，係酸酸甜甜嘅朱古力 mousse 蛋糕，而其他甜品都好出色，有朱古力撻、檸檬撻等等！