影片
更多
2024-03-02
45 瀏覽
今日去將軍澳探朋友，四個人聚一聚。去咗佢屋企樓下將軍澳中心嘅table Cafe。去到排咗一陣隊就入得喇。Cafe裝修感覺清雅。我哋四個人叫咗五個tea set share嚟食. 意式香烤雞肉凱撒醬沙律：沙律菜新鮮爽脆，雞肉份量好多。凱撒醬惹味。百里香脆皮燒春雞：出乎預期嘅好味。以為隻雞咁細會燒到好鞋，點知肉質嫩滑，調味唔會太濃，啱啱好。肉醬意粉細細兜，唔會食到太漏。英倫紳士炸魚薯條：薯條粗身，有薯仔味。炸魚嘅炸皮唔會好厚，而且炸得鬆脆。魚肉keep到Juice。黑松露煙肉野菌忌廉意粉：黑松露味好香，味道好出。野菌好厚肉，所以咬落口感好好。焦香香蕉比利時窩夫伴雪糕：賣相好靚。凍冰冰嘅雪糕加埋窩夫，好夾。是日餐湯加蒜香酸種麵包：今日係蕃茄湯，味道濃郁。酸種麵包質地好好，內面煙煙韌韌外面帶少少脆口。楓糖堅果燕麥杯：健康之選，有果仁同果乾。食到楓糖獨有嘅甜味。提拉米蘇蛋糕：有少少似食緊雪糕嘅質地。淡淡的咖啡味好香。Table水果茶：有新鮮嘅藍莓士多啤梨同青蘋果果肉。好Fresh.百香果藍蝶花梳打：打卡一流。自己將藍蝶花汁加入百香果梳打入邊，顏色由黃色漸變透明，轉為黃色紫色透明。味道酸酸地幾開
意式香烤雞肉凱撒醬沙律：沙律菜新鮮爽脆，雞肉份量好多。凱撒醬惹味。
百里香脆皮燒春雞：出乎預期嘅好味。以為隻雞咁細會燒到好鞋，點知肉質嫩滑，調味唔會太濃，啱啱好。肉醬意粉細細兜，唔會食到太漏。
英倫紳士炸魚薯條：薯條粗身，有薯仔味。炸魚嘅炸皮唔會好厚，而且炸得鬆脆。魚肉keep到Juice。
黑松露煙肉野菌忌廉意粉：黑松露味好香，味道好出。野菌好厚肉，所以咬落口感好好。
焦香香蕉比利時窩夫伴雪糕：賣相好靚。凍冰冰嘅雪糕加埋窩夫，好夾。
是日餐湯加蒜香酸種麵包：今日係蕃茄湯，味道濃郁。酸種麵包質地好好，內面煙煙韌韌外面帶少少脆口。
楓糖堅果燕麥杯：健康之選，有果仁同果乾。食到楓糖獨有嘅甜味。
提拉米蘇蛋糕：有少少似食緊雪糕嘅質地。淡淡的咖啡味好香。
Table水果茶：有新鮮嘅藍莓士多啤梨同青蘋果果肉。好Fresh.
百香果藍蝶花梳打：打卡一流。自己將藍蝶花汁加入百香果梳打入邊，顏色由黃色漸變透明，轉為黃色紫色透明。味道酸酸地幾開胃。
忌廉焦糖爆谷咖啡，特濃朱古力，西柚炭燒烏龍茶：呢三個朋友叫，但聽佢哋話咖啡同朱古力都好飲。
張貼
