影片
更多
2019-12-13
1341 瀏覽
今晚我地一行17人👫👭👬浩浩蕩蕩咁去左位於油麻地既一間小店食飯傾計。其中一位搞手揀呢間店既其中一個原因就係要支持香港小店🇭🇰! 我地當然舉腳贊成啦! 🙋🏻♀️由於我地人數好多, 而店舖內大概只有30個座位左右, 所以我地好早就已經訂左位。而訂座時店員表示希望食飯當晚客人盡量準時入席 (+- 15分鐘都👌🏻), 以便安排座位。我地都好明白佢地既難處, 所以都好乖咁準時到達! 哈哈!鋪頭入面都幾整齊, 四圍的環境都好好, 有香港人先明白的WIFI密碼😏, 有連儂牆同埋好正既背景音樂。我地到達時店員已經拍好8張枱俾我地就座, 感覺唔錯。佢地既餐牌都幾特別, 係用收據既形式俾我地睇的, 落單方式就係係「餐牌」上寫上數量。因為我地人多, 所以我地基本上每樣野都點左2碟先, 所以全部食物都試得到! 正!注：上載相片數量有限，部分菜式無圖眉豆花生雞腳湯 ($15)有分大碗同細碗, 我地費時分黎分去, 所以就叫左細碗。湯水無味精, 食到真材實料, 不過就唔算熱, 可能因為煲好左就熄左火, 唔係一直熱住佢。同埋其中一個朋友話飲落有少少酸…和風南瓜可樂餅 ($20) + 紫芋栗子可樂餅 ($25) + 吉
鋪頭入面都幾整齊, 四圍的環境都好好, 有香港人先明白的WIFI密碼😏, 有連儂牆同埋好正既背景音樂。我地到達時店員已經拍好8張枱俾我地就座, 感覺唔錯。佢地既餐牌都幾特別, 係用收據既形式俾我地睇的, 落單方式就係係「餐牌」上寫上數量。因為我地人多, 所以我地基本上每樣野都點左2碟先, 所以全部食物都試得到! 正!
注：上載相片數量有限，部分菜式無圖
眉豆花生雞腳湯 ($15)
有分大碗同細碗, 我地費時分黎分去, 所以就叫左細碗。湯水無味精, 食到真材實料, 不過就唔算熱, 可能因為煲好左就熄左火, 唔係一直熱住佢。同埋其中一個朋友話飲落有少少酸…
和風南瓜可樂餅 ($20) + 紫芋栗子可樂餅 ($25) + 吉列炸蝦 ($25) + 薯仔蝦 ($35)
和風南瓜可樂餅 ($20) + 紫芋栗子可樂餅 ($25) + 吉列炸蝦 ($25) + 薯仔蝦 ($35)
42 瀏覽
0 讚好
0 留言
我無試哂所有口味, 因為每款只有2件, 我只係食左紫芋栗子可樂餅。呢個炸物外脆內軟, 煮得唔錯。餡料好綿滑, 紫芋味比栗子味突出, 不過兩者味道好夾, 所以整體黎講唔錯!
芝士漢堡扒 ($22)
芝士漢堡扒
$22
26 瀏覽
0 讚好
0 留言
上碟前店員已經將兩塊漢堡扒各界開一半, 你會見到中間D芝士流左少少出黎, 夾開之後會見到D芝士好黏, 所以做到少少拉絲效果。不過食落去芝士味有既, 但唔算好濃。相反漢堡扒既味好突出, 搶左芝士既風頭。
炸餃子 ($30)
炸餃子
$30
30 瀏覽
0 讚好
0 留言
一碟有5隻餃子, 外層炸到變左金黃色, 睇落唔錯。食落去會發現外皮好脆口, 不過餃子裡面無咩肉汁, 同餡料份量唔夠多, 雖然食落好香口, 不過好似好薄身, 如果餡料放多少少會更好!
柚子雞翼 ($40)
柚子雞翼
$40
20 瀏覽
1 讚好
0 留言
呢碟柚子雞翼好正, 係咁多碟菜式入面我最中意的。雞翼的外層帶脆, 但好有光澤, 我估計係燒既途中加左柚子醬, 所以令雞翼的外層咁吸引, 而且帶少少甜味。咬落去, 雞翼入面唔會乾, 加埋外層甜甜酸酸既柚子絲, 真係好好食! 所以最後我地都有encore呢碟柚子雞翼!
千島雞翼 ($40)
千島雞翼
$40
25 瀏覽
0 讚好
0 留言
我無試呢款雞翼, 不過我估計肉質差唔多, 只係醬汁唔同左。不過朋友食完表示千島醬有少少heavy, 所以覺得一般般。
香煎豆腐 ($58)
香煎豆腐
$58
20 瀏覽
1 讚好
0 留言
豆腐好挺身, 頂底兩邊都煎到金黃色, 夾起上黎唔會散。其實當店員煎緊個豆腐果時, D香味傳出黎既時候就已經覺得呢碟菜式幾吸引。用黎煮豆腐既汁有少少肉碎, 咸咸地既調味令豆腐更香。
蜆肉炒雜菜 ($68)
蜆肉炒雜菜
$68
24 瀏覽
0 讚好
0 留言
我地total叫左3碟蜆肉炒雜菜, 菜係用左椰菜, 所以好爽口, 而蜆肉份量都幾多, 最重要係無雪味同無沙! 不過每碟既辣度都有少少分別。因為佢地落左胡椒粉去炒, 所以辣度好視乎佢地落得多或少。其中一碟太重手, 所以胡椒味好濃, 我自己接受到,不過有朋友覺得辣到食唔到。
煙腩肉四季豆 ($68)
煙腩肉四季豆
$68
26 瀏覽
0 讚好
0 留言
呢碟我覺得有少少失手, 因為雖然睇落好靚, 不過D四季豆食落有少少生, 可能炒得唔夠耐。而且煙腩肉就咁食有D咸, 即係話D肉既咸味未能傳到落去D四季豆入面…
蕃茄蝦仁炒蛋 ($68)
蕃茄蝦仁炒蛋
$68
26 瀏覽
1 讚好
0 留言
呢碟炒蛋有驚喜! 除左有家常小菜既味道之外, D炒蛋食落去有少少孜然粉既味道, 係幾特別既。除此之外, D蝦仁份量都唔少, 而且幾有咬口。最後都有encore呢碟。
香煎鯖魚 ($78)
香煎鯖魚
$78
33 瀏覽
1 讚好
0 留言
我本身麻麻地中意食魚, 不過都試左呢條魚兩啖, 最中意佢D魚肉好易夾開, 而且無骨! 哈哈! (呢個係最重要的) 擠少少檸檬汁落去提升魚既鮮味, 條魚食落有油香，而且好軟滑，好食!
日式豬軟骨 ($88)
其實我都幾中意食豬軟骨, 貪佢林得黎又有少少咬口。呢個豬軟骨炆到好林又好入味, 用黎送飯一流! 不過就咁單食有少少咸。
蕃茄牛腩 ($88)
蕃茄牛腩
$88
26 瀏覽
0 讚好
0 留言
個Feel 同日式豬軟骨有D似, 不過一開頭唔知蕃茄, 以為佢係辣既… 哈哈。
酒煮花甲 ($108)
酒煮花甲
$108
20 瀏覽
0 讚好
0 留言
我試左少少湯汁, 酒香就唔太濃, 但好鮮甜。花甲比我想像中大隻, 煮完之後D肉都好大隻。
飲品:
Yellow Object = 菊花茶 / 檸檬茶
滅火筒 = 可口可樂
燶左既滅火筒 = Zero 可口可樂
Pepe =玉泉忌廉
食完成餐飯好滿足, 唯一就係店舖油煙味幾重, 而我身上又著棉質衫, 所以吸哂D味。
張貼
