漢城美食

營業中

休息中

放假陪好姊妹到尖沙咀金巴利道試婚紗, 順道係附近食少少野醫肚, 呢條街有唔少韓國料理小店, 其中「漢城美食」可說是全區開業最悠久嘅韓食小店, 仲係韓國人主理, 菜式選擇多。餐廳裝修簡約, 地方整潔, 入座隨即送上三碟韓式前菜, 點餐後食物上檯快。【蜜糖牛油雞翼(4件)】HK$58雞翼非常香脆, 表面灑上了蜜糖牛油粉, 甜甜地又滲出淡淡牛油香, 伴有四條煙韌韓國年糕過下口癮。【吞拿魚紫菜飯卷】HK$84飯卷非常足料, 食材比例比飯多, 卷住了吞拿魚肉、菠菜、紅、黃蘿蔔等...口感層次好豐富。【芝士炒年糕】HK$95煙韌韓國年糕配上一片芝士、甜辣醬汁, 辣得有如泡菜般香辣, 好惹味, 仲配有大量盡吸了醬汁嘅椰菜絲。【炸醬麵】HK$89麵質彈牙, 炸醬汁撈起好漿口, 配有青瓜絲、荷包蛋、有些少碎豬肉同埋唔少好林嘅洋葱, 大大碗同朋友share都好夠食。