翠園 (銅鑼灣廣場) (已結業)

大人物牛一，食飯慶祝當然唔少得。筆者就跟大隊到銅鑼灣廣場2期的翠園去了。華麗的水晶吊燈、優雅的環境，加上生日咁開心的日子，未食已經嬴晒印象分。點菜方面有專人負責，無須煩惱。涼拌象拔蚌、龍蝦刺身、原條東星斑、翅、水晶飽、雞汁蘿蔔、椰皇雪蛤等等，紅酒當然不會少。都好耐無食過咁多貴價貨，聽到已經溜晒口水。涼拌象拔蚌、龍蝦刺身鮮甜無比，大熱天時最岩口味。東星好大條，又或許是太大條蒸既火侯較難控制，略為老了一點，如果蒸少一分鐘就真係無敵。一梳梳的翅，是繼我年多前在東宮食過之後最好的。用筷子夾翅，感覺多好。雞汁蘿蔔，雖不是名貴貨色，但就勝在手工精緻，是心機錢。蘿蔔鮮甜又夠淋，清清地也是不錯。甜品有水晶飽和椰皇雪蛤，水晶飽過甜，而椰皇雪蛤好多時都會食，覺得無咩特別。埋單才發覺飲了21枝二百幾蚊既紅酒，計番條數淨係飲酒都飲左6000幾銀。其實仲有其他食物，不過記不到太多了。結賬是$17000，幾駭人。