金記冰室 (八號花園) (已結業)

行完街肚子非常餓，就去搜尋餐廳尋覓食物，記得之前在社交平台見到朋友大讚金記冰室嘅食物一流有水準，今次就特意去試下。知道金記在香港各區都有很多分店，原來大埔早幾個月前新開張的，已經有很多人排隊到訪。餐牌上多款食物選擇，而且更有食物圖片供參考，望到食物圖片都非常吸引！先叫了一些飲品，我就點了兩杯熱華田和媽媽一齊享用，朋友就叫了一杯凍檸茶，他也大讚茶味香濃！突然好想食公仔麵，我就點了一個套餐。最後我揀選了沙嗲牛肉即食麵的套餐，當中還附送火腿奄列油多。沙嗲牛肉即食麵湯底好濃郁嘅牛肉味道，而且牛肉嘅份量都幾多，即食麵唔會太林，反而有口感，好難得有煮得好食嘅即食麵！媽媽和朋友就點選了炒蛋叉燒飯及鮮茄濃汁焗豬扒飯。估唔到焗豬扒飯有質素，即叫即整新鮮出爐，不過要小心唔好掂到碟邊，因為好熱的！食落去豬扒肉質彈牙鮮嫩，飯配以鮮茄汁簡直係送飯一流之選！還有叫了兩款小菜，包括菠蘿生炒骨同埋欖菜肉鬆四季豆，隨即還叫了兩碗白飯！總括而言，冰室嘅食物質素果然有保證，難怪在香港有多間分店屹立不倒，原因就是食物有質素，而且非常新鮮，難怪全場滿座。