金記冰室 (八號花園) (已結業)

試新餐廳？首次到訪就印象深刻！自助茶水區我懶得行出行入寧願唔要，自助易圍馬落單但網絡緩慢甚至收唔到，已有部份食客舉手投訴。明白人手短缺全場只得兩位職員跑上跑落，辛苦了！服務⭐️雖然肥嬸嬸已笑臉迎人但整體職員表現欠佳。環境⭐️⭐️新派茶記格局。羅宋湯⭐️室溫再被冷氣吹兩吹可以變凍湯，天氣炎熱所以唔出熱湯？淡淡的茄膏水。洋蔥汁火腿餐肉豬扒意粉，意粉微波爐叮過熱辣辣，有股微波味道。午餐肉鬆軟不咸不油膩，火腿都煎了段時間放涼變得油咸硬。洋蔥汁酸咪咪夠開胃竟然比黑椒汁美味。鐵扒黑椒汁美式雜扒，薄牛扒腍啤啤，醃味濃濁強烈，食不到牛味⭐️有骨豬扒醃得太利害，食不到半點天然豬甜味⭐️雞扒不過不失，入得口全熟不乾硬但略咸⭐️⭐️腸仔廉價怪味腸，起碼唔咸⭐️⭐️黑椒汁不香不辣帶澀味⭐️。茄汁意粉⭐️⭐️室溫唔熱，茄汁酸酸唔難食。

前兩天中午，$76中午叫左個黑椒汁豬扒飯，個阿姐送到黎得勁少汁，問阿姐俾多少少汁 ，個阿姐勁大聲話吾得呀 ，無得多汁，你一早講，我話我落單時已講，佢都話吾可以！勁無禮貌。已經吾平，點知茶餐廳叫多汁都要話吾得

🤢🤢🤢🤢🤢唔係成日去大埔食野加上朋友揀左坐門口位，首先我真係見唔到（自己取）張牌係個水機上面，因為我嘅視覺張紙係打直，我係見唔到個紙同埋張紙寫左啲咩嘅字。點知問個姐姐要兩杯水 ，佢態度不算好咁講你睇唔到既咩，張紙寫水要自己斟，水係自己斟…講左3次，咁我就話睇唔到….不過算了，拗係無意思，所以自己去斟水再返返個位，點知個收銀姐姐佢再同同事大大聲咁竊竊私語（甘大張紙都睇唔到。🤡）真係好好禮貌….. 有機會都唔去… 🤢

做完野諗住求其食d野見到門口好似幾靚咁就行入去叫左個焗豬食 意外地都算水準之上食完成個飯飲埋杯野就諗住走飲飲下無啦啦咬到淋淋地嘅野 一吐出黎成隻強哥係到☺️野食都ok嘅 都算幾好味唔介意同強哥負距離交流嘅話值得一試

返學嗰陣朋友提議就去左呢一間餐廳食飯😊社交平台有好多人都話呢間餐廳好有水準，就今日要去試一試！我幾鍾意呢一度嘅氣氛。🥰叉燒滑蛋飯我很喜歡這個， 一點也不靭，好juicy，相當香嫩惹味，絕對推薦！

一向都係金記冰室嘅忠實粉絲，平時下午茶lunch都會去幫襯佢，今次就同妹妹去屋企附近「金記冰室」再擦返餐飽。鍾意佢嘅餐牌食物種類多，而且分門別類，可以令客人一目了然。現時疫情仍是反反覆覆狀態，因此餐廳採用掃描QR code下單，落單過程簡易方便，又可以減少人與人嘅接觸。本身都鍾意食啲麻辣嘅嘢食，這一碗麻辣雞片米線正啱我心意，套餐仲可以半價加配飲品或者餐湯，驟眼睇賣相非常吸引，而且配料相當豐富，包括有豆腐卜及雞片等，仲有炸蒜同埋蔥花粒令湯底更香，鍾意佢少少辣，米線同芽菜都好入味啊。川味回鍋肉炒烏冬，即叫即炒好有鑊氣，每一片回鍋肉都是半肥瘦的，我而且肉質很鮮嫩，椰菜朔晒精華味道，我哋唔夠10分鐘就食晒了。欖菜雞粒炒飯同樣地粒粒米飯都好入味，裏面有雞蛋絲、雞肉粒等，欖菜唔會太鹹又唔會太淡，分量剛剛好呢。還有家人最喜歡嘅西炒飯，酸酸甜甜嘅味道確實好開胃。最後飲品點少得叫呢度嘅招牌飲品 - 冰涼原味奶茶，奶茶非常香滑香醇，濃郁的奶香味超滑溜，奶味與苦澀味剛剛好，難怪是鎮店之寶。最後食咗咁多野，埋單都只係$300多啲，食物質素依舊不變，一樣咁好味咁有鑊氣，難怪平日都經常滿座呢。

加班收工返到屋企附近已經太夜啦！想食個快飯，落車去咗 金記，鍾意佢食物款式多元化，出菜又快，價錢親民，簡直係我嘅大埔飯堂。沒有豪華的裝修，但我欣賞佢裝修細節，懷舊大埔墟 火車站差不多的模樣🚉小菜大家食滋味 Chinese Dishes Set，QR code 自助落單，方便快捷，衛生可靠，連Menu都唔使接觸。小菜大家食 2人餐 $165兩個人食，自選兩款小菜，奉送白飯2個及老火湯2碗、飲品2杯，已經好滿足。椒鹽豬扒椒鹽惹味，很有大排檔特色。豬扒份量都幾多，厚切肉質嫩滑，味道濃郁。新鮮菠蘿咕嚕肉即叫即炒，有鑊氣十足，新鮮菠蘿🍍酸酸甜甜好開胃，咕嚕肉外脆內軟，多肉汁，送白飯食一流。涼瓜炆牛肉 $70見到小菜咁有水準，追加了涼瓜炆牛肉，涼瓜爽口清甜，牛肉幼滑，好好食。椰汁涼粉冰 $10飲品加配確實抵，門口見到透心涼，啱晒夏天飲真係大滿足。凍香滑奶茶🧋 $3口味正宗，多奶少甜，茶香四溢。金記生炸雞髀配沙律成日嚟都想食炸雞髀，好快賣晒！難得今晚比我遇到，即叫即炸熱辣辣香噴噴，炸到雞髀皮脆肉嫩又多汁，配沙律食很有地道老香港情懷。

今日下午茶又去咗大埔試吓其他嘅炸雞皮好唔好食，金記的炸雞脾麻麻哋，肉質比較硬，個皮都唔脆口，反而西多士就有驚喜👅👅👅👅西多士是港人的最愛，高脂邪惡美食，金記的不會太厚，味道剛好👍👍👍👍配食煉奶，簡直天衣無縫😋😋😋😋😋😋😋

大埔八號花園的金記冰室， 距離我家得近。我們每週都最少光顧一次， 外賣出餐的速度快又準。味道方面， 沒有了翠華， 大埔最好食沙爹牛肉麵就是金記。奶茶的味道， 雖然沒太興的好飲， 但都比區內不少茶餐廳優勝。今天是初年三， 平時擔任收銀處崗位的小姐不在， 換來了一位生面口的收銀處男職員， 我是先用電話點餐， 到場才付款。 當我到場付款後， 收銀處男職員沒有說一句話，外賣究竟是已經準備好， 還是還要等待， 他沒有告訴我， 我只好看看平時他們擺放外賣的位置， 是空的。 我才走到門外等待。外賣帶回家後， 發現漏了多士。 我們致電查詢何補救。 接聽電話的收銀處男職員， 要求我自行到店取回多士。 我不接受， 說可否退回多士的錢。他竟然要求我整個餐退回到店退全數。外賣執漏了東西，很常見。 重點是在如何補救處理， 收銀處男職員態度惡劣， 且沒有半點歉意。如果不懂面對客人， 應該轉個崗位？

營業至2300～但係2223就話收工～其他分店B類收工都係早你少少～你大埔做乜9 C類～唔想開咁晏唔該改左營業中佢啦～！你咁樣都唔係做生意！我係食左屯門嗰間～仲要特發過黎試下大埔～！收工時間錯L晒～去到喺門口問佢都好似想問侯我咁～！咁你唔好打開門啦～！咁L Hi我下次屯門嗰間都唔L食～

是日又俾我係大埔搵到揀抵食質素又唔錯既餐廳🌞🌞晚餐食左好多野主食甜品野飲樣樣齊，都係300有找！而且上菜上得好快！首先有餐湯～揀左西湯同中湯各一，中湯飲落好滋潤，真材實料，有蟲草🌞西湯係我飲既最濃郁既羅宋湯之一😳😳鐵板香煎雞扒拼吉列魚柳，哇呢個真係 好邪惡啊🤩兩隻趴都好正，魚柳外皮夠脆，唔會過鹹冇魚腥味～肉質嫩。雞扒調味唔錯，單食冇加醬都好香～兩隻扒都好大塊椒鹽豬扒😚豬扒醃製得唔錯，有好多炸蒜好香口～淡淡辣味增加佐味覺享受🤩🤩份量感覺可以兩三個人share～四川重慶口水雞🐔斬得偏大舊，但都肉質夠嫩～汁既調味都啱啱好好開胃，例牌兩個人食都夠食～甜品俾佢個金粒西多配雪糕所吸引🤣果然冇令我失望！將港式既甜品烹飪得唔錯～每塊西多都均勻裹上蛋汁，咬落好香蛋味～加埋煉奶or雪糕一定係大小朋友既摯愛😍😍雪糕紅豆冰and 黑牛🍦呢個都係我食過最有味既紅豆冰🤣🤣唔係過甜！而係冰塊融化後都唔會變稀左，仲係飲到好濃淡奶同埋甜紅豆～推介～總括而言呢間都幾抵食噶～同埋選擇多多，諗住下次會再黎試下其他野食😚😚

屋企一冇飯開都會一家人出外吃飯，今晚都唔例外去咗金記冰室享用晚膳 ，除了基本餐牌外都會有特別推介美食。今期就有幾款提供點了川味回鍋肉炒烏冬品嚐一下。飲杯特飲桂圓紅棗桃膠茶可以滋潤喉嚨。美食當然唔止一款咁簡單，先來係川味回鍋肉炒烏冬鑊氣十足，入口烏冬味道帶點香辣，再食件半肥瘦豚肉片又幾惹味。另一款係人氣鐵板套餐嘅美式雜扒，有牛扒、豬扒、雞扒、腸仔同煙肉配薯菜賣相十足。即時淋上黑椒汁一陣陣香味撲鼻，雜扒每塊大大件切開大家一齊食，牛扒肉質夠嫩滑，豬扒豐厚又多汁，雞扒煎得香脆內軟，連配菜一邊食特別滋味。接住有鮮茄濃汁焗豬扒飯，面層蓋滿濃郁芝士鮮茄汁配埋炒飯底，入口酸酸甜甜夠晒開胃，再食件軟滑豬扒口感飽滿。最後有法蘭西多士沾上煉奶，食落夠晒邪惡又美味，眨眼又享受完一餐冰室美食。

這天到大埔中心購物，然後到金記冰室吃晚餐。喜歡這類除了有多款住家feel小菜及老火湯之外，亦有很多港式懷舊特色美食及飲品，也有西式鐵板燒等。金牌乾炒牛河 $62必點之選，少油也炒得甚為惹味，牛肉軟腍入味😋金銀蛋肉碎浸時蔬 $65足料好味👍白灼菜心 $28菜心新鮮幼嫩👍金記三文治🥪 $44三文治餡料豐富，有蕃茄🍅芝士🧀餐肉🐖火腿🍗雞蛋🥚生菜🥬，好味又有層次感😋金粒西多配雪糕 $40很邪惡的食品，但實在太吸引，粒粒西多面層金黃酥脆，內裏軟滑無比，配上雪糕，吃得滋味😋老火湯 跟餐這裏的老火湯一星期七天，天天不同口味，這天我們喝的是南瓜雪耳木瓜煲豬骨湯，絕對是用心之作👍棉滑蛋白杏仁茶 跟餐價$14正如其名，非常棉滑，杏仁味香濃😋檸檬利賓納 跟餐送沖調得酸甜到剛好👍另外，值得一提的是，這裏的服務態度很好，即使有些少麻煩事要她們跟進，她們也顯得樂意，笑容滿面的👍👍👍以及連座位也經消毒清潔

每次同一大班朋友去完大埔嗰頭都唔知食咩好。不過，今次兩個人，就簡簡單單搵餐廳食飯。今次都係去返附近食，行行吓就見到金記冰室，近近地就入去試吓。第一道黎嘅菜係重慶口水雞，雞肉嫩滑，就算係雞胸都唔會鞋！雖然好多紅油，但只係帶微辣，仲有淡淡嘅麻油香，佢層雞油加辣油非常香，食落都唔覺得油，食完唔會太辣，仲可以食其他餸菜，作為開胃小食非常唔錯！鐵板香煎雞扒拼吉列魚柳，非常有經典香港扒房味道，上檯時候仲有新鮮滾熱辣既炸炸聲，我配上咗我最喜歡嘅蒜蓉汁，味道非常不錯。雞腿扒份量好足，兩面都煎得好香，雞皮果邊好脆，罪惡感十足。吉列魚柳魚味濃。呢個餐絕對係港式重口味首選。地道霸王雞，推介*** 霸王雞半隻 , 半隻雞個份量都幾多, 而且個脾位係好大, 好肥美~~好好食啊~! 皮太吸引, 我都忍唔住吃了兩片 !!又是另一必食菜!

一直都好少食這個冰室，但看到網上說食滿$50，加上打疫苗後可以抽奬就姑且一試。我們大約5:50PM到逹冰室，當時大約7成滿，我們三人還可以坐卡位，但卡位面積有些細，感覺有點迫。原來下午茶時段到6點，有些下午茶餐仲要包飲品，所以我們其中二人分別叫了2個下午茶餐。(1) 咸魚雞粒炒飯(下午茶餐) : 價錢幾平，$48包飲品。份量不大，啱女士食，大男人可能會唔夠，味道正常，食到有咸魚香，但個炒飯可以再香口和乾身一些。(2) 日式海鮮雜炒烏冬(下午茶餐):  價錢$50，也是份量唔太大，但女士會夠食的。炒得幾香口，亦唔會太咸，有些青口、魷魚咁啦，海鮮是雪藏的，也是預計之中。(3)蛋白杏仁露 : 這個必須強推----->>>>>呢個係下午餐特飲，要另外加$10的，如果單叫就$28。好好好好飲，可能要做到灼熟蛋白的感覺，所以杯飲品好熱，連個杯都好熱，杏仁的味道好出，少少甜，好滑，個蛋白亦感覺好新鮮。總括來講，好滿意。過左6點後，下午茶時段就會停左，我另一個friend亦因為咁要叫晚餐，佢就叫左個揚州炒飯(晚餐)份量明顯大過下午餐，上菜時亦覺得熱過剛才的咸魚雞