泉記金喜來海鮮飯店 (已結業)

尋晚同朋友4人一同去漁灣村街市打邊, 係朋友介紹我地去的.夜晚全層都變左做打邊邊, 都唔知哩間鋪叫咩名囉.不過橫掂都係比個笑臉, 寫o係邊間度都冇所謂啦!火鍋任飲任食每人$78. 爐係用舊式爐+ 石油氣任飲有維他奶麥精啤酒, 真係幾特別.其實打邊邊飲汽水最開心, 不過佢有麥精, 唔好蝕比佢, 飲左5-6支!湯底有沙嗲湯, 鴛鴦湯, 皮蛋芫茜, 粟米蕃茄, 我地畏左皮蛋芫茜.每台送一碟海鮮. 有蝦蟹同扇貝, 都食唔晒我地另外剔左蟶子同蜆, 只係寫左個1字但竟然咁大碟但蟶子比較多沙. 蜆好新鮮, 仲見到一隻郁緊架!哩度d 野食都幾多選擇菜同雞蛋可以自己出去拎, 加水自己加.有肥牛滑牛, 都係肥牛好食d. 一黎黎好大碟.朋友話魚皮林左, 最好淥下先食, 唔好就咁食丸有芝心丸同蟹子丸, 哩兩樣係我最鍾意食, 食到超飽都仲要繼續叫!田雞! 賣飛佛, 不過佢當然唔會比田雞脾, 只係比個身, 骨係多d, 但好滑! 好味呀!鯪魚滑, 冇咩彈性, 都係墨魚滑好食d, 不過哩度冇魚皮餃都幾好食, 淥左好耐都唔會散, 個皮仲煙韌, 不過拎過黎o個個賣相真係麻麻雲吞!! 值得推介, 唔好睇佢細細粒, 一食落去