影片
更多
2022-10-12
194 瀏覽
Little Cove Espresso📍西環堅尼地城新海旁3-5號五福大廈地下3號舖我嘅日文buddy最近都有同我去探索唔同嘅餐廳，佢之前食過一次西貢嘅Little Cove，知道佢哋最近新開咗間分店喺堅尼地城，於是就約我喺佢放假日同佢食個靚brunch！我哋去嘅當日係開業第三日，店員全以後生仔女為主，每位睇落打扮都好有個人風格，但亦好親切，會介紹唔同推介嘅菜式俾客人。店內環境好靚，簡約適合打卡，樓底高坐得好舒服！喺lunch hour前可以直接walk-in揀位坐，但lunch hour就見門外有人龍，果然好受歡迎！💰$110手撕豬肉吐司 🐖呢款吐司真係一試難忘，佢哋烤到個包脆得嚟唔會一切開就散哂，好有咬口。手撕豬肉好嫩，似中東料理調味，加埋紫椰菜一齊食，重口味得嚟不失清新感。畫龍點睛嘅係碟邊嘅aioli，即係蒜泥蛋黃醬，微辣但放喺豬肉吐司上面食非常夾，唔會喧賓奪主，十分推介！💰$145慢煮羊肉 🐑無食牛肉之後，可以食到最濃肉味嘅應該係羊肉，好多人都會派羊肉陣羶味，但我自己係幾鍾意呢陣味。呢個午餐主菜嘅主肉以慢煮方式烹調，羊肉好淋食，啲肉用刀叉好易就可以分開一絲絲，我剝咗幾隻牙都食
📍西環堅尼地城新海旁3-5號五福大廈地下3號舖
我嘅日文buddy最近都有同我去探索唔同嘅餐廳，佢之前食過一次西貢嘅Little Cove，知道佢哋最近新開咗間分店喺堅尼地城，於是就約我喺佢放假日同佢食個靚brunch！我哋去嘅當日係開業第三日，店員全以後生仔女為主，每位睇落打扮都好有個人風格，但亦好親切，會介紹唔同推介嘅菜式俾客人。店內環境好靚，簡約適合打卡，樓底高坐得好舒服！喺lunch hour前可以直接walk-in揀位坐，但lunch hour就見門外有人龍，果然好受歡迎！
[價錢 Price]
💰$110
手撕豬肉吐司 🐖
呢款吐司真係一試難忘，佢哋烤到個包脆得嚟唔會一切開就散哂，好有咬口。手撕豬肉好嫩，似中東料理調味，加埋紫椰菜一齊食，重口味得嚟不失清新感。畫龍點睛嘅係碟邊嘅aioli，即係蒜泥蛋黃醬，微辣但放喺豬肉吐司上面食非常夾，唔會喧賓奪主，十分推介！
[價錢 Price]
💰$145
慢煮羊肉 🐑
無食牛肉之後，可以食到最濃肉味嘅應該係羊肉，好多人都會派羊肉陣羶味，但我自己係幾鍾意呢陣味。呢個午餐主菜嘅主肉以慢煮方式烹調，羊肉好淋食，啲肉用刀叉好易就可以分開一絲絲，我剝咗幾隻牙都食到！佢嘅調味其實都似中東料理，香料味重得嚟仲食到羊肉原汁原味，加埋個顏色鮮艷嘅粉紅色紅菜頭醬同面頭嘅芝士碎嚟食，無得彈！我特別欣賞佢用broccolini嚟做伴碟，一嚟唔係咁常見，二嚟佢比broccoli淋身，切同食都比較方便！
[價錢 Price]
💰$38
抹茶牛奶 🍵
呢杯latte係標準拉花，味道一般無特別，抹茶同奶嘅比例平均，飲落無苦澀味同順好，呢個價錢嚟講，好抵飲。
[價錢 Price]
💰$38
小白咖啡 ☕️
Buddy總共叫咗兩杯coffee，分別係一杯dirty同一杯flat white，我唔太好咖啡，但聽佢講呢杯好飲啲。佢個拉花好靚，係一隻天鵝，打卡一流！
[價錢 Price]
💰$369
兩個人好chill咁享受咗一餐brunch嘅時光，得閒就影下周邊環境，不時又一齊睇下書，好寫意，希望可以多啲忙裏偷閑嘅機會，平衡一下壓力山大嘅工作同生活！如果佢唔係開得咁遠，我都想再去試下佢其他嘅嘢食呀！
張貼
