CRAZY THAI CUISINE

營業中

休息中

嚟到大埔，見到有間新開嘅泰式小店，炎炎夏日最啱食泰國菜式。先來一個串燒做小食，揀咗雞同埋羊各三串，食物準備嘅時間較耐。幸好，串燒上菜嘅時候係熱辣辣，保持到肉汁。配上醬汁都非常惹味。主菜點咗一個泰式脆皮豬手，其實脆皮豬手同出邊其他國家嘅脆豬手冇乜太大分別，只係個醬汁比較酸甜開胃。配上一啲醃咗嘅酸瓜，唔算太多泰國特色。但脆皮豬手嘅皮就非常香脆，價錢都尚算合理。餐廳嘅餐牌唔算太過複雜，但都有不同嘅飯同埋麵類選擇。當一點左個菠蘿炒飯，相對其他菜式就比較失色。味道唔算突出，但份量算多。餐廳全新營運，試業期間人手略為不足，等候時間較長。但小店都值得支持，大家有時間嘅話都可以過嚟一試。