影片
更多
2019-06-19
664 瀏覽
短時間內再訪Tea Hub，對上一次黎試過蛋包飯，我同另一半都好滿意，而且鐘意佢地嘅蛋糕不時轉換款式，黎多幾次都唔怕悶週六下午都幾繁忙，開店無耐已經全店滿座，雖然未算悠閒，總算坐得舒適，不過坐坐下都開始有人等位，或者下次我地會揀平日再黎，想坐得自在啲嘛。比起上個月，熱食餐牌都有啲小更新，例如蛋包飯升級左漢堡扒版本；多士款式轉左，仲有啲夏日新飲料。漢堡燒雜菜配咖喱蛋包飯 $92 (附前菜、飲品)茶湯冷麵相對清淡，唔係好啱我地口味，所以今次都係為蛋包飯而來，確實幾好食，仲推出左附漢堡扒嘅升級版本，嫩滑雞蛋覆蓋白飯，放上漢堡扒同紫菜絲，淋上咖喱汁，以燒雜菜伴碟，賣相依舊討喜漢堡扒有彈性，有啲肉落肚點都會飽腹啲，哈哈。雜菜粒係另一半至愛，配日式咖喱好夾。薯仔、彩椒、蘿蔔以茶葉調味，保留蔬菜口感，完全唔油套餐跟前菜，豆腐好滑溜；如果指定餐飲唔啱飲，都可以補差價升級其他飲品，好有彈性。鮮果高山烏龍 +$8呢個水果茶幾有誠意，而且跟餐性價比幾高！裡面有西瓜、橙、蘋果、紅肉火龍果同百香果，飲落唔會太酸，如果茶味再出啲，會加分啊。和風燒大蝦多士 $62香脆多士、沙律菜、青瓜、粟米粒、車厘茄配輕輕燒起嘅蝦
漢堡燒雜菜配咖喱蛋包飯 $92 (附前菜、飲品)
茶湯冷麵相對清淡，唔係好啱我地口味，所以今次都係為蛋包飯而來，確實幾好食，仲推出左附漢堡扒嘅升級版本，嫩滑雞蛋覆蓋白飯，放上漢堡扒同紫菜絲，淋上咖喱汁，以燒雜菜伴碟，賣相依舊討喜
漢堡扒有彈性，有啲肉落肚點都會飽腹啲，哈哈。雜菜粒係另一半至愛，配日式咖喱好夾。薯仔、彩椒、蘿蔔以茶葉調味，保留蔬菜口感，完全唔油
套餐跟前菜，豆腐好滑溜；如果指定餐飲唔啱飲，都可以補差價升級其他飲品，好有彈性。
鮮果高山烏龍 +$8
呢個水果茶幾有誠意，而且跟餐性價比幾高！裡面有西瓜、橙、蘋果、紅肉火龍果同百香果，飲落唔會太酸，如果茶味再出啲，會加分啊。
和風燒大蝦多士 $62香脆多士、沙律菜、青瓜、粟米粒、車厘茄配輕輕燒起嘅蝦仁嘅組合，你想像得到嘅味道
大紅袍戚風蛋糕 $55
伯爵茶X蝶豆花卷蛋 $36
每次黎呢度最期待其實係甜品，戚風蛋糕口味不時轉換，好有新鮮感，而且店員好有心思做出賣相咁靚嘅擺盤。大紅袍戚風配左忌廉、紅色食用花，加埋黑白芝麻上碟。茶粉落得多，蛋糕體冇之前食嘅伯爵茶咁鬆綿，勝在茶味算幾明顯，食嘅時候配埋細膩滑溜嘅鮮忌廉，更有層次
至於顏色咁fancy嘅卷蛋都係好多人嘅打卡之選，伯爵茶香，蛋糕鬆軟，有機會一定要訂佢地嘅原個蛋糕試下。
so far黎過幾次，我地都好滿意；推薦蛋包飯同自家製戚風
張貼
