樸生 (已結業)

今日入青衣搵fd打機，打到累累地同餓餓地，同佢落街搵下有咩食，由於佢話最近想減肥，咩都唔想食，咁岩經過呢間以素為主題的餐廳，估唔到佢又buy，所以就入左去啦！輪候系統都幾先進，留下手機號碼，就到的時候會通知，可以趁呢段時間行下街都仲得！餐廳主要分兩個部分，第一個是像平常跟店員下單，第二個是半自助形式～最後我地都選左半自助的形式，有個餐可以自己叫，亦都可以自行出去拎野食！其實我都係第一次食全素架（我是食肉獸～），呢間餐廳似乎主打韓式素食，所以對於我來說就更加新奇！雖然說是素食，但食物種類都相當全面，估唔到素食都有甜品，食完完全冇罪惡感。呢度真係白飯任裝！裝完白飯就當然要加些許配料啦，粟米、菜就當然唔少得啦！
素食漢堡包好令我深刻，中間夾有多種菜餚，就算冇肉都好滋味，真係超級健康!素食自助餐食足90分鐘，對於食物種類以及食材的質素，我地都好滿意，完全符合到餐廳的主題：樸素生活，提倡健康的飲食放題文化，而且又係平民價錢，對我來說簡直是一個全新的感受！或者對於我呢D鐘意食放題的食肉獸，呢間餐廳都是一個唔錯的選擇，十分欣賞！下次一定拉埋我D食肉獸FD子再來食！