譚仔三哥米線 (晨光大廈)

營業中

休息中

三哥最近出咗一款新口味，佢就係花膠胡椒雞美線。無骨胡椒雞加上花膠，我地可以自選湯底或者加配料。除咗美線，我仲嗌左新飲品青蘋果梳打試一試。花膠胡椒雞美線份量十足，我選擇咗蕃茄湯底，裏面有成四大塊花膠同雞。雞件比平時嘅大，食落好滑，有淡淡的嘅胡椒味。花膠充滿骨膠原，有美顏作用。個湯仲有啲芫茜同胡椒粒，飲落好香。青蘋果梳打好清新、好好味。帶有果蓉嘅青蘋果梳打作飲品的基調，加上台式愛玉，非常之特別。飲品有氣，所以飲落好爽！愛玉好似寒天咁，質地QQ，令飲品飲落冇咁單調，好有口感。