影片
更多
2022-10-06
83 瀏覽
今日收工約咗媽咪出街食，佢話想食台灣牛肉麵，甘我就當然要滿足下佢啦！無嚟德福一排，原來茶木換咗新面貌，有全新裝修之餘，餐牌都有更新！原木同水泥色系裝修望落幾舒服，格局更開揚寬敞，而家可以用電話掃QR code落單，方便快捷。晚。嚐×二人餐（$298）唔想諗就叫咗個二人餐，包括一款台風美食、兩款主食同兩杯飲品。台式滷水拼盤⋯｝超豐盛嘅拼盤，有滷牛𦟌、牛肚、五花肉、雞翼、雞腎、豆腐、溏心蛋，個人最鍾意牛𦟌同豆腐，滷到好腍又入味，伴碟嘅花生就好香脆！TeaWood 紅燒牛肉麵⋯｝無令媽媽失望，保持質素！大概有四大件又軟腍又入味嘅牛肉，湯底夠濃厚，麵條好彈牙！微辣半筋半肉手工拌麵⋯｝個人就好鐘意呢種幼得黎又有咬口嘅麵，半筋半肉加上辣湯汁，超惹味！有機台灣高山巨峰烏龍茶（+$12）入口先係茶香，然後有淡淡葡萄同莓甜香，熱嘅會以茶壺配蠟燭加熱茶座，等客人一路嘆都可以一路保持温度，如果係凍嘅會用造型玻璃樽上，配有冰球嘅矮身玻璃杯，打卡必點！脆脆黑糖珍珠奶茶（+$23）又一杯打卡邪惡飲品，黑糖珍珠鮮奶再加上香滑奶蓋，上面放咗一串精緻芋圓丸子🍡，連埋杯邊嘅阿華田脆脆一齊飲，入口嘅甜有豐富層次。另外再加咗
原木同水泥色系裝修望落幾舒服，格局更開揚寬敞，而家可以用電話掃QR code落單，方便快捷。
晚。嚐×二人餐（$298）唔想諗就叫咗個二人餐，包括一款台風美食、兩款主食同兩杯飲品。
台式滷水拼盤⋯｝超豐盛嘅拼盤，有滷牛𦟌、牛肚、五花肉、雞翼、雞腎、豆腐、溏心蛋，個人最鍾意牛𦟌同豆腐，滷到好腍又入味，伴碟嘅花生就好香脆！
TeaWood 紅燒牛肉麵⋯｝無令媽媽失望，保持質素！大概有四大件又軟腍又入味嘅牛肉，湯底夠濃厚，麵條好彈牙！
微辣半筋半肉手工拌麵⋯｝個人就好鐘意呢種幼得黎又有咬口嘅麵，半筋半肉加上辣湯汁，超惹味！
有機台灣高山巨峰烏龍茶（+$12）入口先係茶香，然後有淡淡葡萄同莓甜香，熱嘅會以茶壺配蠟燭加熱茶座，等客人一路嘆都可以一路保持温度，如果係凍嘅會用造型玻璃樽上，配有冰球嘅矮身玻璃杯，打卡必點！
脆脆黑糖珍珠奶茶（+$23）又一杯打卡邪惡飲品，黑糖珍珠鮮奶再加上香滑奶蓋，上面放咗一串精緻芋圓丸子🍡，連埋杯邊嘅阿華田脆脆一齊飲，入口嘅甜有豐富層次。
另外再加咗個 黄金鹽酥雞 同 櫻花蝦魚湯浸娃娃菜（+$42）炸到金黃酥脆嘅鹽酥雞，而魚湯浸娃娃菜清淡健康，口痕嘅話叫埋呢啲小食就啱啱好。
甜品就揀咗新推出嘅白巧克力抹茶可頌窩夫（+$24）滿滿牛油香同外酥內軟口感嘅牛角包窩夫，上面再淋上咗白朱古力醬同抹茶粉，甜而不膩，下次要再試其他款！
可能因為開幕無幾耐，店員有啲仲係生手，不過勝在座位舒適，升級版茶飲甜品都幾有驚喜，下次再帶媽咪嚟嘆茶！
張貼
