相馬日式火鍋 (已結業)

最近經常喺荃灣食晚飯，今晚打邊爐，揀左大鴻輝呢間日式火鍋店，朋友同我都好喜歡。相馬日式火鍋位於大鴻輝最頂層，大家都知道，一到食飯時間，樓下等電梯嘅人非常多，如果訂左位，記得早少少去等位呢日式火鍋店裝潢，以木色同紅色為主調。呢度都幾大，兩邊都係卡位，勁闊落，坐得舒服；中間有幾排座位用一人一爐形式。收費方面，分為幾款套餐：美國進口牛肉、美國特選牛肉、美國頂級牛小排、特上澳洲和牛，星期一至四最平嘅套餐168蚊起。每個套餐都包左牛肉、豚肉、雞肉、多款配料任食，啱哂大食嘅朋友可以加錢升級牛舌、海鮮。而且近日餐牌仲加入左新元素，炸物、串燒即叫即做，同樣係放題！串燒分醬燒、鹽燒，超過十款例如有牛、雞、豚肉串、金菇肥牛卷、蔥段豚肉卷、多春魚、雞皮等。炸物十款，例如有雞翼、餐肉、蝦、炸雞唐揚、芝士丸等湯底分幾款，免費嘅都係豬骨、蕃茄、辛辣等，亦都可以加錢升級特別嘅湯底例如黑松露牛乳湯、廣島蠔鍋、伊勢海老湯等。蕃茄湯底加左好多香草，開頭都幾嗆，滾起左就好香茄味，啲食材都會幾入味嘅。落單後店員好快先上左牛肉、豚肉同雞肉先，美國特選牛肉任食，有少少口感，幾好嚼勁，唔會話淡而無味。雞肉都可以，唔會好鞋口，朋友減