影片
更多
2024-07-25
614 瀏覽
平時去炑八多數都係叫佢哋嘅套餐，聽朋友講最近旺角瓊華分店推出咗限定全日放題，有3個級別嘅肉可以選，一於同老公去試下新嘢先。 A. 特選燒肉放題 (90分鐘)B. 匠心燒肉放題 (90分鐘)C. 至尊燒肉放題 (120分鐘) 今次我哋揀咗匠心燒肉放題，除咗牛之外，仲有前菜、🐷豬、雞🐔、海鮮、蔬菜同埋韓式料理，食物多達60款任食。 店員先喺爐邊加蛋同埋芝士🧀，而且會不時問你需唔需要refill。 我哋第一轉基本上每一款牛都有點，試下邊款最好味先，之後就主打點頂級降霜牛小排、月見韓牛前胸肉、韓牛貝身肉、薄切牛舌。個頂級降霜牛小排真係好正，含霜降油花，加熱後油香釋出，芳香撲鼻，肉質柔嫩。 香烤豬五花擁有豐富嘅脂肪，燒烤時，肉中冒出大量豬油，令五花肉外皮酥脆，又帶著火燒的嘅香味，超美味！😋 海鮮方面，生蠔算肥美，蒜蓉牛油混合埋一齊食非常美味；大蝦新鮮彈牙；八爪魚亦新鮮軟嫩。 我哋點咗個韓國炒雞半份（原味）🐔，份量非常多，同平時散叫一樣咁多，一啲都無縮水，真係回晒本。炒雞即叫即炸，食落熱辣辣，外皮金黃香脆，炸粉又唔會過厚，肉質嫩滑多汁。除咗原味之外，仲有醬油味、 蜂蜜牛油味、甜辣同埋芝士味可以選擇
平時去炑八多數都係叫佢哋嘅套餐，聽朋友講最近旺角瓊華分店推出咗限定全日放題，有3個級別嘅肉可以選，一於同老公去試下新嘢先。
A. 特選燒肉放題 (90分鐘)
B. 匠心燒肉放題 (90分鐘)
C. 至尊燒肉放題 (120分鐘)
今次我哋揀咗匠心燒肉放題，除咗牛之外，仲有前菜、🐷豬、雞🐔、海鮮、蔬菜同埋韓式料理，食物多達60款任食。
店員先喺爐邊加蛋同埋芝士🧀，而且會不時問你需唔需要refill。
我哋第一轉基本上每一款牛都有點，試下邊款最好味先，之後就主打點頂級降霜牛小排、月見韓牛前胸肉、韓牛貝身肉、薄切牛舌。個頂級降霜牛小排真係好正，含霜降油花，加熱後油香釋出，芳香撲鼻，肉質柔嫩。
香烤豬五花擁有豐富嘅脂肪，燒烤時，肉中冒出大量豬油，令五花肉外皮酥脆，又帶著火燒的嘅香味，超美味！😋
海鮮方面，生蠔算肥美，蒜蓉牛油混合埋一齊食非常美味；大蝦新鮮彈牙；八爪魚亦新鮮軟嫩。
我哋點咗個韓國炒雞半份（原味）🐔，份量非常多，同平時散叫一樣咁多，一啲都無縮水，真係回晒本。炒雞即叫即炸，食落熱辣辣，外皮金黃香脆，炸粉又唔會過厚，肉質嫩滑多汁。除咗原味之外，仲有醬油味、 蜂蜜牛油味、甜辣同埋芝士味可以選擇。
迷你烤牛肉蓋飯細細碗，份量啱啱好， 唔使怕食完個飯食唔到其他嘢。 烤牛肉軟嫩份量亦夠多，味道可口。
人蔘雞湯都好大碗，雞湯乳白濃郁，滲發出淡淡嘅蔘香，雞燉得好軟嫩，而且雞肉入面仲包含糯米，口感豐富。
水冷麵麵身煙韌彈牙，極有嚼勁。梨片和青瓜清甜爽口🍐🥒，大熱天時食，真係透心涼😌。
出面自助吧有基本啤酒汽水任飲，不過如果想飲啲特色飲品，可以每位加$28 升級飲品放題。
最後食埋杯雪糕就非常之完滿喇！🍦
張貼
