皇后冰廳 (已結業)

餐廳位於十字路口位，相當顯眼。餐廳已經開業有一段時間。初時有多款麵包發售，但現在只有凍餅發售。鋪頭不大內部裝修簡潔。今日叫咗兩個全日早餐，一個是西冷牛扒(加$10)，另一個是豬扒(加公仔麵$8)。全日早餐有沙律菜，炒滑蛋，及不大不小的香草腸，火腿，茄汁豆和一塊薯餅。 全日餐份量都算多,價錢都算經濟。滑蛋炒得香滑，香草腸就普普通通。火腿和茄汁豆就大路嘢，薯餅夠香脆。 公仔麵，麵質煮得好，但個湯就好淡。 豬扒就煎得比較有油，但味道都不錯。 西冷牛扒比較薄身，但肉質鮮嫩及size都算大塊。